Кечээ, 15-ноябрда Бишкек шаарында Милициянын кайгуул кызматынын инспекторлору маңдайкы айнегин мыйзамсыз караңгылатып алган BMW үлгүсүндөгү унааны токтотушту. Бул тууралуу аталган башкармалыктын басма сөз кызматынан билдирди.
Текшерүү учурунда унаанын ичи гүлгө толуп турганы көрүнгөн. Кызматкерлер гүлдөр кимге арналганын сураганда, айдоочу жылмайып: "Жубайыма жана кызыма алып бара жатам",- деп жооп берген.
Терезелерин мыйзамсыз караңгылатканы үчүн айдоочуга тиешелүү айып пул салынганы маалым болду.