Бүгүн, 16-ноябрда Бишкектеги улуттук тарых музейинде улуттук искусствону, каада-салттарды жана маданий мурастарды сактоого жана жайылтууга арналган "Лейлек килемдери" фестиваль-жарманкеси өтүүдө. Бул тууралуу мэриядан билдиришти.
Маалым болгондой, иш-чарага министрлер кабинетинин төрагасынын орун басары Улан Маматканов, мэр Айбек Жунушалиев жана Жогорку Кеңештин депутаты Камила Талиева катышты.
"Иш-чара 26-ноябрга чейин уланат. Анда Баткен облусунун Лейлек районунан келген уз-чеберлердин колунан жаралган буюмдар көрүүчүлөргө сунушталат",- деп белгиленди маалыматта.