Чүй облусунун Жайыл районуна караштуу Кызыл-Ой айылындагы мектептен чыккан өрт саат 10:20да чектөөгө алынды. Бул тууралуу бүгүн, 19-ноябрда Өзгөчө кырдаалдар министрлиги билдирди.
Маалыматка ылайык, өрттү өчүрүүгө саат 08:48де Жайыл райондук №22 өрт-куткаруу бөлүмүнөн бир бөлүм тартылды. Кошумча күч катары саат 08:55те Жумгал райондук №43 өрт-куткаруу бөлүмүнөн дагы бир бөлүм жөнөтүлдү.
Жалпысынан эки өрт өчүрүүчү бөлүм иштеп, саат 10:20да өрт чектөөгө алынган.
Учурда аны толук өчүрүү иштери уланууда.