Ошто ок атуучу куралга конструкциялык жактан окшош буюмдарды сатууга аракет кылган жаран кармалды. Бул тууралуу Ош облустук милициясы кабарлады.
Маалым болгондой, 20-ноябрда социалдык тармактарга жүргүзүлгөн мониторинг учурунда, куралга окшош белгисиз тапанчаларды сатууга аракет кылган.
"Бул факт боюнча Өзгөн райондук ички иштер бөлүмүндө тергөөгө чейинки текшерүү башталып, 1995-жылы туулган Т.А. аттуу жаран аныкталып, тергөө кызматына жеткирилген. Алынган буюмдарга экспертиза дайындалып, алдын ала маалымат боюнча, алар кыйратуучу таасири чектелген найсыз ок атуучу куралдар болушу мүмкүн", - деп билдирди мекеме.
Учурда тапанчалардын келип чыгышын аныктоо боюнча текшерүү иштери уланууда.