ЖКнын комитети КРнын Эсептөө палатасынын аудиторлугуна Элмира Ибраимованын талапкерлигин колдошту

Парламенттеги Бюджет жана финансы боюнча комитетинин бүгүнкү жыйынында Эльмира Ибраимованы КРнын Эсептөө палатасынын аудиторлук кызматына жактырышты. Депутат Өмүрбек Абдрахманов ага кайрылып, Эсептөө палатасы бирден-бир коррупцияга баткан мамлекеттик орган экенин айтты. “Сиз муну түшүнөсүзбү? Сиз мамлекеттик органдын өнүгүү концепциясын иштеп чыгышыңыз керек”,- деди эл өкүлү. Ал эми Эльмира Ибраимова “мен сиздин сунушуңузду колдойм” деп бул органга элдин ишеними төмөндөп кеткенин моюнга алды.