УКМКнын төрагасы Абдил Сегизбаев кызматынан бошотулду

УКМКнын төрагасы Абдил Сегизбаев кызматынан бошотулду. Бул тууралуу президенттик аппараттын маалыматтык саясат бөлүмүнөн 7-апрелде маалымдалды.

Маалыматка ылайык, президент Сооронбай Жээнбеков кол койгон жарлыкка ылайык, Улуттук коопсуздук боюнча мамлекеттик комитетинин төрагасы Абдил Сегизбев берген арызынын негизинде кызматынан кетти.

Абдил Сегизбаев 1973-жылы 2-июнда Фрунзе шаарында туулган.

1996-жылы - Бишкек шаарындагы Скрябин атындагы Кыргыз айыл чарба институтунан агроном кесибин алып чыккан.

1995-2000 - жылдары - "Сорос-Кыргызстан" фондунун координатору;

2000-2003 – жылдары - Швейцариялык эл аралык кызматташуу боюнча ассоциациясынын кызматкери;

2003-2005 – жылдары - Кыргыз өлкөсүнүн президенти Аскар Акаевдин маалымат катчысы;

2011-2012 – жылдары - президент Алмазбек Атамбаевдин жардамчысы;

2012-жылы - КРнын президентинин аппаратынын маалыматтык саясат боюнча бөлүмдүн жетекчиси – КРнын президентинин жардамчысы;

2012-жылы - КРнын президентинин маалымат саясаты боюнча кеңешчиси;

2014-жылы - УКМКнын орун басарлык деңгээлинде иш алып барган Улуттук коопсуздуктун коркунучтарын жана тобокелчиликтерди талдоо боюнча кызматтын директорлугуна дайындалган;

2015-жылы - Улуттук коопсуздук мамлекеттик комитетинин төрагасы болуп дайындалган.

Автор: Бекболсун Молдояр уулу