"УКМК Facebook'тагы "Мурч" баракчасы мага таандык деген доо коюп жатат" дейт Жети-Өгүздүн тургуну

Facebook социалдык тармагындагы "Мурч" аталышындагы баракча учурдагы бийлик өкүлдөрүн жана президентти маскаралаган сүрөттөрүн жарыялаганы менен аталган тармактын колдонуучуларынын арасында белгилүү. Бүгүн, 2-декабрда Жети-Өгүз районундагы Кызыл-Суу айылынын 1987-жылы туулган Жоомарт Жамгырчиев аттуу тургуну SUPER.KG порталына Улуттук коопсуздук мамлекеттик кызматынын кызматкерлери бул баракча ага тиешелүү экенин айтып, бир нече жолу суракка чакырышканын билдирди.

"УКМКнын кызматкерлеринин айтымында, ал баракчага биздин үйдөгү IP дарегинен сүрөттөр жүктөлүптүр. Алгач 30-ноябрда атам менен агамды суракка чакырышыптыр. Андан кийин мени чакырышты. Үчөөбүз тең ал баракчага тиешебиз жоктугун айтып, түшүнүк кат жазып бергенбиз. Кайра кечээ, 1-декабрда Караколдогу бөлүмүндө мени 3-4 саат кармашты", - деди Жамгырчиев.

Жоомарт Жамгырчиев социалдык баракчаларда буга чейин бир гана "Мурч" баракчасына эмес, көптөгөн оппозиция өкүлдөрүнүн, ошондой эле Алмазбек Атамбаевдин баракчасына да жазылганын билдирди. Ал үйүндө интернетке "Кыргызтелеком" ишканасынын кызматы аркылуу кирерин айтып, wi-fi орнотулганын кошумчалады.

"Канат Табалдиев деген кызматкер суракка алып, кечээ оппозициянын оюн колдоорумду айтты. Мен оппозициядагы адамдардын жаңылыктарын окусам эле алардын оюн колдогон болбойм да. Президенттин деле баракчасына жазылгам, аны эмнегедир айткан жок. Өзүм банкта иштейм, бийликти жамандагандын мага пайдасы жок", - деди Жоомарт Жамгырчиев.

13:32 02-12-2016

Автор: Үмүт Абдраимова

Жазылуу

РУБРИКАДАГЫ СОҢКУ КАБАРЛАР

15:38 2024-05-10 | Коом жана турмуш

Быйыл Кытайга 10 миң тоннага чейин гилас экспорттоо күтүлүүдө 81 0

15:36 2024-05-10 | Кылмыштар, кырсыктар

Бишкекте адам өлтүрүүгө шектелген жаран кармалды 111 0

15:27 2024-05-10 | Коом жана турмуш

Бишкекте Чолпонбай Түлөбердиев атындагы музей ачылды 99 0

15:25 2024-05-10 | Супер-Инфо

Темирлан Акматов, ырчы Алтынай Нарбаеванын уулу: “Ошол окуяда апам менен абдан сыймыктандым...” 123 0

15:08 2024-05-10 | Коом жана турмуш

Көпчүлүк аймакта жаан жаайт. 11-майга карата аба ырайы 176 0

15:06 2024-05-10 | Кылмыштар, кырсыктар

Кызыл-Кыяда интимдик кызмат көрсөтүүгө шектелип эки аял кармалды 422 0

Архив

Комментарийлер (12)

ainur78007

2016-12-02 13:43:53

Чукубаган ушул эле калды,эми кайсыл баракчага кирсек ким эмне дээр экен деп олтурат экенбизд да

Tansuluu09

2016-12-02 14:36:58

Соз эркиндигине жеттик дедиле кечээ АША.
Соз эркиндигине жетпей эле, кайра соз эркиндигин кыскартып жатпайбы....
Ушунча козду каратып туруп, мындай кылганы туура эместа...

vrach

2016-12-02 14:54:07

Tansuluu09, бул деген шылдындоо АКШ да жашасан бул учун атып салмак сени. Ар кимди шылдындаса болбойт бул жерде укук бузулуп жатат. Сени дагы суроттунду шылдындаса сен дагы чара колдонмоксун

-9

Tansuluu09

2016-12-02 14:58:27

vrach, билбеймго бирок Обаманы деле шылдындап журушотко. Ошолорго чаара корулот деп ойлойсунбу?
Ачуу чындыкты айткандындырда Депутаттарга карата...

tursunbaev78

2016-12-02 15:01:50

Супер инфо Атамбаевдин Россиянын аскердик базасы жөнүндө айтканын жазбайсыңары?

admin_portal

2016-12-02 15:07:16

tursunbaev78, саламатсызбы. Сунушуңуз тиешелүү бөлүмгө жеткирилди!

AKCAHAT

2016-12-03 08:52:48

Ушул беле ? Озу ашыкча эле болуп кеткен . 15 суткага олтургузса ошондо башкалардын жеке инсандык абройуна асылбай калат.

-3

kaidiger

2016-12-03 11:13:26

tursunbaev78,авиабазанын срогу 2032 жылы бутот .Ага чейин ким бар ким жок ошол убактагы президент кандай деп чечет ким билет??

tulpar90

2016-12-02 15:35:20

Татыксыз адам азыркы шеф.

admin_portal

2016-12-02 15:36:46

nur_zhoni, такталбаган маалыматты жазуудан алыс болуӊуз. Оозеки эскертүү!

fanatka19

2016-12-02 17:19:11

Туура кылат сөз эркиндиги деп эле такыр эле наадан болуп баратышат.

-7

anonymous

2016-12-02 18:06:42

Ээ тууган Tor деген бар ошол менен кир интернетке

Комментарий калтыруу үчүн өз ысымыңыз менен кириңиз же каттоодон өтүңүз.