Туристтердин "Сулайман-Тоо" музейинин түштөнүүгө кеткен кызматкерлерин күтүп жаткандыгын кабарлаган окурман "Элдик кабардын" август айындагы жеңүүчүсү

Кыргыз өлкөсү көз жоосун алган курулуштар, өзгөчөлүү техникалар же укмуштуу ачылыштар менен туристтерди тарта албайт. Бирок өлкөбүздө чет элдиктердин кызыгуусун жараткан ажайып жаратылышыбыз, тарыхый, сырдуу жайларыбыз көп. Өлкөдөгү туризмди өнүктүрүү үчүн бизде болгон приоритеттерди туура пайдалануубуз негизги талаптардын бири болушу керек. Мына ушундай пикирдеги окурман "Элдик кабардын" август айындагы жеңүүчүсү болду. Ал Ош шаарынын жашоочусу Астра Татибекова. Татибекова Сулайман-Тоого келген туристтер түштөнүүгө кеткен кызматкерлерди күтүп отурушканын SUPER.KG порталына WhatsApp аркылуу жөнөткөн.

Анын билдирүүсүндө: "Бүгүн дем алыш күнү балдар менен Сулайман-Тоого чыктык. Эң кызыгы "обед" деп жаап коюшуптур. Менимче, эки адам болуп тыныгуусуз эле иштесе болот, сыртта күткөн эл аябай көп. Арасында чет элден келген туристтер да бар. Чет өлкөгө барып эле жүрөбүз мындай көрүнүшкө туш болгон эмеспиз. Кытайдан келгендер бар экен, алар бул көрүнүшкө таң калышууда", - деп жазылган.

Соода иштери менен алектенген, 4 баланын энеси Астра Татибекова музейдеги абалды кабарлоодо андагы кызматкерлерге зыян келтирүүнү эмес, өлкөдөгү кызмат көрсөтүүдөгү кетирилип жаткан кемчиликтерди жоюуга салым кошууну максат кылганын айтат. Анын пикиринде, музейдин түштөнүү деп жабылып калышы таптакыр туура эмес.

"Биз туризмди өнүктүрүшүбүз керек деп айтабыз, бирок дал ошол тармакта иштегендер буга каршы иш жасап жатат. Түштөнүү убактысы бүткөндө музейдин кызматкерлери келип күтүп тургандар музейге кирдик. Жалпылап айтканда, тейлөө абдан начар, акчаңды алып эле киргизип жиберет. Ал жердеги экспонаттар жөнүндө билбегендер көп, туристтер болсо баарына кызыгат. Айтып, түшүндүрүп берген гид-кызматкерлер жок. Мен мындай системди эң оболу өзүбүздү сыйлабагандык жана биздин өлкөгө кызыгып келген туристтерди сыйлабагандык деп түшүнөм. Музейге кирсең кабагын чытып отурган кызматкерлерди көрөсүң. Түркия, Кытай, Орусия өлкөлөрүндө болуп келгем. Ар улуттун маданиятына кызыгам, мындан улам барган жеримде музейлерге барып турам. Мындай мамилени аты аталган өлкөлөрдөгү музейлерден кездештирген эмесмин. Буга чейин "Элдик кабарга" Шакиров көчөсүндөгү аялдаманын абалынын начар экендигин тартып жөнөткөм. Аялдама оңдолду. Ош улуттук драма театрынын кир болуп кеткен орундуктары жөнүндө да маалымдадым эле, алар да жаңыланыптыр. Мен шаарыбызга кайдыгер карабаган жашоочумун, шаарым - балдарымдын эртеңки келечеги", - деди ал.

"ЭЛДИК КАБАРдын" 2017-жылдагы жеңүүчүлөрү:

2017-жыл, январь - кыргыз тилине туура эмес которулган афишалар тууралуу кабар жөнөткөн окурман (Бишкек шаары);

2017-жыл, февраль - Өзгөндөгү кооптуу ажаткананы айткан окурман (Өзгөн шаары);

2017-жыл, март - Өзгөн жолдорунун аң-чөнөктөрү топурак менен толтурулуп жатканы тууралуу кабарлаган окурман (Өзгөн району);

2017-жыл, апрель - Садыр Жапаровдун моюну кесилген сүрөтүн жиберген окурман (Бишкек шаары);

2017-жыл, май - Оштогу аттракциондун кулаганы тууралуу видеону жөнөткөн окурман (Ош шаары);

2017-жыл, июнь - Ананьеводогу жарылуу тууралуу видео жөнөткөн окурман (Ысык-Көл облусу);

2017-жыл, июль - Якутияда кыргыздар жашаган жатакана күйүп кеткенин кабарлаган окурман (Якутия).

15:22 01-09-2017

Автор: Кызжибек Раимова
Фото: Астра Татибекова

Жазылуу

РУБРИКАДАГЫ СОҢКУ КАБАРЛАР

22:17 2024-04-18 | Саясат

Садыр Жапаров менен Касым-Жомарт Токаев Казакстанда эки өлкөнүн өнөрпоздорунун концертине катышты 575 0

21:55 2024-04-18 | Коом жана турмуш

Астанада активдүү жаштардын катышуусунда II Казак-Кыргыз жаштар форуму өтүүдө 365 0

21:36 2024-04-18 | Спорт

Бишкекте төрт күнгө созулган бокс боюнча эл аралык мелдеш башталды 299 0

20:45 2024-04-18 | Коом жана турмуш

"Манас" театрынын жаңы имаратын ачуу аземинен ирмемдер (сүрөт) 674 0

20:20 2024-04-18 | Коом жана турмуш

Орусия Таластагы билим берүү мекемелерине компьютер жана робототехника берди 469 0

19:11 2024-04-18 | Саясат

Садыр Жапаров расмий сапары менен Казакстанга барды. Президентти аэропорттон Токаев өзү тосуп алды (сүрөт) 1531 0

Архив

Комментарийлер (5)

Batma08

2017-09-01 16:05:22

Куттуктайбыз

guli-1980

2017-09-01 16:08:43

Мен сонку кабарга жазган кабарым чыккан жок. Же созсуз суротко тартып жонотуш керек беле? Маанилуу кабар болчу. Баламды эмдоого алып барсам таразага тартканына 10 сом прививка учун 20 сом толодум.

Aitunuk

2017-09-01 16:28:26

guli-1980,бала беш жашка чыкканча бардык кызматтар бекер болуш керек. Бейтапкананын башчысына кириш керек болчу, бул акчаны аягандык эмес (эч ким баласынан аябайт), а закондуу нерсе. Ал жерде иштеген медкызматкерлер мамлекет тарабынан көрсөткөн кызматы үчүн айлык алат, жетпесе базарга барсын кызылкулактык кылып. Муну маалымат иретинде жазбасатан, ошол жерден чечиш керек болчу, төлөп кете бербей.

aikokul14

2017-09-01 16:13:09

Ар бирибиз ушундай орчундуу кабарлардан кайдыгер карабай жөнөтсөк,өлкөбүз кыйла оңолот.

Ma9

2017-09-01 16:59:03

туура кылгансыз эжеке гид кызматкерлери тушундуруш керек гидке да айлык толонсо керек

Комментарий калтыруу үчүн өз ысымыңыз менен кириңиз же каттоодон өтүңүз.