Сот Өмүрбек Текебаевди кыргыз тилинен сынакка катышуу үчүн БШКга баруусун камсыздап берүүдөн баш тартты

Бүгүн, 25-июлда Бишкек шаарынын Биринчи Май райондук сотунда "Ата Мекен" фракциясынын лидери, депутат Өмүрбек Текебаев менен экс-министр Дүйшөнкул Чотоновдун соттук иши улантылды. Отурумдун башында айыпталуучулардын жактоочулары Чынара Жакупбекова менен Искен Афиджановдун келбей калгандыгына байланыштуу ишти кийинкиге калтырууну өтүндү. Келтирилген өтүнүчкө мамлекеттик айыптоочулар каршы болуп, сот Айбек Эрнис уулу соттук отурумду улантууга ордунан чечим чыгарды.

"Өмүрбек Чиркешович Кыргыз Республикасынын президентинин кызматына талапкер катары БШКга катталгандыгы баарыбызга белгилүү. Эртең, 26-июлда талапкер катарында мамлекеттик тилден сынак өтөрү тууралуу бизге билдирүү келди. Ошондуктан Текебаевди сынак тапшыруу үчүн БШКга баруусун камсыздап берүүңүздү өтүнөбүз", - деди Текебаевдин жактоочусу Канат Хасанов.

Жогорудагы өтүнүч боюнча Өмүрбек Текебаев төмөнкүлөрдү айтып өттү:

"Кыргыз өлкөсү кошуна мамлекеттерге салыштырмалуу шайлоолорду өткөрүү боюнча бир топ алдыда келе жатат. Таза шайлоону камсыз кылуу үчүн ар бир талапкердин укуктары Баш мыйзамга ылайык корголууга тийиш. Мен фракциянын башчысы катары, көп жылдан бери иштеп келаткан туруктуу партиянын лидери катары өз укуктарымдан пайдаланышым керек".

Прокурорлор өтүнүчкө каршылык көрсөттү. Сот кеңешүү бөлмөсүнөн кайтып, өтүнүч четке кагыларын оозеки айтты. Жактоочу Канат Хасанов өтүнүчтү четке кагуу боюнча оозеки чечими жарабай турганын, БШКга документ катары тапшырууга кагаз түрүндө жазып беришин талап кылды. Айбек Эрнис уулу чечимди кагаз түрүндө чыгарып, сотту улантууда.

Автор: Үмүт Абдраимова
Фото: Илязбек Балташев

15:41 25-07-2017

Жазылуу

Тектеш кабарлар:

Өмүрбек Текебаевдин сотунда анын партиялаштары көрсөтмө беришти

Өмүрбек Текебаев Маевскийдин эмнеге көрсөтмөсүн өзгөртүп жатканына кызыкты

Дүйшөнкул Чотонов: "1 миллион долларды кармаган да, көргөн да эмесмин"

Өмүрбек Текебаев менен Дүйшөнкул Чотоновдун соту жактоочулардын өтүнүчү менен 22-июнда уланмакчы болду

Өмүрбек Текебаев соттон өз паспортун берүүсүн талап кылды

Текебаев менен Чотоновго өкүм чыгарган сот Айбек Эрнис уулу эмгек өргүүсүнө кетүүдө

Маевский Текебаевге жолуктум деген 2010-жылдын 21-декабрында Текебаев ишке чыкпаганын экс-депутат Асия Сасыкбаева да айтты

Текебаевдин сотундагы күбө: "Чотонов менен Маматкеримов экөө тууган деп ойлоп жүргөм"

Сот Өмүрбек Текебаевге жарыш сөзгө даярдануу үчүн бир күн убакыт берди

Өмүрбек Текебаев менен Дүйшөнкул Чотоновдун соту жумуш убактысы бүткөнүнө карабай уланып жатат

РУБРИКАДАГЫ СОҢКУ КАБАРЛАР

18:53 2025-05-02 | Түркүн дүйнө

АКШ армиясы Трамптын туулган күнүнө карата аскердик парадга даярдана баштады 782 0

18:08 2025-05-02 | Коом жана турмуш

Жеңиштин 80 жылдыгына карата өтүүчү парадга даярдыктар жүрүүдө (сүрөт) 695 0

17:46 2025-05-02 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 3486 0

17:30 2025-05-02 | Коом жана турмуш

Садыр Жапаров Ысык-Көлдөгү жейренди көбөйтүү долбоору менен таанышты (сүрөт) 908 0

17:14 2025-05-02 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 1684 0

16:58 2025-05-02 | Коом жана турмуш

Бишкекте чет элдик жарандар уюштурган онлайн казино аныкталды 568 0

Архив

Комментарийлер (6)

Tunerbei1812

2017-07-25 15:49:04

Бийлик сотторду дагы эзип бутту.

+11

stimyl.kg

2017-07-25 16:20:15

Текебаевди шалоонун журушуно катышуу мумкунчулугуно жолтоо болуш учун аркандай амалдарды кылат деп ойлойм,анткени текебаевдин шалоого катышуу мумкунчулугу жаралса бийликке абиир алып келбейт ансызда калп ценарийлери ишке ашпай эл алдына уят болушту.

grace

2017-07-25 16:44:18

Катыша берсин шайлоого, уруксат бере бербейби?

cubich

2017-07-25 17:01:10

Уят эле. Кресло учун, байлык учун эмнелерди гана кылбайт. Соттор, прокурорлор эмне кылышты билбей калды окшойт.

nurbekasr

2017-07-25 18:41:36

*** соттор,элдин каргышы уруп кетет го силерди.Силердин күнүңөр да саналуу эле калды.Текебаевге боштондук,чыксын Текебаев.Мен негизи АШАны колдойт элем,ушундай *** былыткы саясаты үчүн 180 градус тескери башка эр жүрөк саясатчылар үчүн бурулдум.Менден башка да адамдар көп эле болсо керек Текебаев,Жапаров ж,б саясатчыларды колдогон.

portugalia

2017-07-26 08:47:52

Шылтоолору эле коп.

Комментарий калтыруу үчүн өз ысымыңыз менен кириңиз же каттоодон өтүңүз.