Бишкек ЖЭБде өзгөчө кырдаал катталып, үйлөргө берилип жаткан жылуулуктун температурасы төмөндөдү

Бишкек Жылуулук электр борборунда өзгөчө кырдаал катталып, үйлөргө жылуулук берүү төмөндөдү. Бул тууралуу "Электр станциялары" ачык акционердик коомунун басма сөз катчысы Тагжана Айдаралиева билдирди.

"Кечээ, 26-январда кечки саат 6 чамасында Бишкектеги Жылуулук электр борборунун модернизацияланбаган бөлүгүндөгү от казандарда маселе жаралып, суунун температурасы 84 градустан 62 градуска чейин төмөндөгөн. Буга байланыштуу шаардагы үйлөргө берилген жылытуу төмөндөдү. Тургундардын үйлөрүнө жылуулук такыр берилбей калган жок, болгону аларга берилип жаткан жылуулуктун температурасы төмөндөдү", - дейт басма сөз катчы.

Ошондой эле учурда бул маселени чечүү аракеттери жүрүп жатканын, канча убакытта калыбына келтириле турганы азырынча белгисиз экенин кошумчалады. Ал эми "Бишкекжылуулуктармагы" ишканасынан Бишкек ЖЭБден 120 миң 947 үй жылуулук менен камсыздаларын билдиришти.

Кыргызгидрометтин билдирүүсүнө таянсак, 26-январдан 27-январга караган түнү аба ырайынын температурасы 26 градус суук болсо, бүгүн, 27-январда 20 градустан 22 градуска чейин суук болушу күтүлөт.

Автор: Кенжебай Сатканалиев

11:32 27-01-2018

Жазылуу

Тектеш кабарлар:

Башкы прокуратура ЖЭБдеги аварияны текшерип, жыйынтыгына жараша чара көрөт

ЖЭБдин жетекчиси Нурлан Өмүркул уулу отставкага кетүүгө даяр экенин билдирди

Сапар Исаков ЖЭБдеги кырсык үчүн Сооронбай Жээнбеков дагы жооп бериши керектигин айтты

"Улуттук энергетикалык холдинг": "ЖЭБде жаңы блок ишке кирди. Буга чейин суунун тартыштыгынан улам мүмкүн болбой турган"

Бишкек ЖЭБдин директору: "Жылуулук берүүнү калыбына келтирүү үчүн 40 адам иштеп жатат"

"Электр станциялары" ишканасынын жетекчиси эмне үчүн ЖЭБдин экинчи агрегатын учурунда ишке киргизе албаганын айтты

Бишкек ЖЭБдин мурдагы директору Нурлан Өмүркул уулу канча айлык алып иштегенин айтты

Бишкектеги ЖЭБде 5 миллион долларлык химиялык цехти куруу иштери убактылуу токтотулду

Экономикалык кылмыштуулукка каршы күрөшүү боюнча мамлекеттик кызматы Бишкек ЖЭБиндеги авариялык абалды иликтеп жатат

ЭЛДИК КАБАР: "Бишкектеги үйлөргө жылуулук берүүнүн температурасы төмөндөгөн жок, таптакыр эле жылуулук берүү өчүрүлгөн" дейт окурман

РУБРИКАДАГЫ СОҢКУ КАБАРЛАР

14:34 2025-05-01 | Түркүн дүйнө

Бразилияда дүйнөдөгү эң кары адам каза болду 211 0

14:24 2025-05-01 | Супер-Инфо

Эсенгелди Жумакунов: «Занзибар аралынын тамак-ашына көнө элекмин» 74 0

14:12 2025-05-01 | Коом жана турмуш

Бүгүнкү майрамга карата "Ала-Арча" сейил багына кирүү акысыз болот 112 0

13:44 2025-05-01 | Кылмыштар, кырсыктар

Бишкекте тергөөчү пара алууга шектелип кармалды 272 0

13:30 2025-05-01 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 2866 0

13:27 2025-05-01 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 841 0

Архив

Комментарийлер (6)

General.kg

2018-01-27 11:34:44

Оңдоп түзөө май айларына бүтүп жайлата жакшы кызмат көрсөтүр ноябрдан кайра бузулат))

barakcha

2018-01-27 11:36:30

Кыйратыптырсынар!ЖЭБге болунгон миллиондорду каяка жумшадынар???!Мындай кычыраган суукта жылуулуктун азайганы итчилик!Кышка укмуш даярбыз деп бакылдаган министр жоопко тартылсын!Уйлор муздак...электрообогревательдин дагы алы келбей жатат жылытышка.Эми уялбай олчойгон суммадагы квитанция чыгып келет да ээ айдын аягында?!

zamira1989

2018-01-27 11:45:34

уят кичине суук болсо даяр эместиги билинип атат уйлорубуз суук кичине балдарыбыз менен кыйын эле болуп атат

Janylai2012

2018-01-27 11:48:06

Мен эртеден бери жазып атам эльдик кабарга ушул тууралуу.бирок чыгарышкан жок.уйлодун муздагын айтып болбойт.кычыраган кыштын суугунда жылуулук жок.ушул кезге чейин кышка даяр эмес жылуулук тармагы эмнеге жооп бербейт.ушул суукта балдарым ооруп калбаса экен деп коркуп отурган кезим.жылыткычтар жардам бербей жатат.

Jelezo

2018-01-27 12:36:54

Россияда азыр эшикте -42градус үйдө 30 градус жылуу шортачан футболка кийип отурам.Элүү жыл мурун курулган ТЕЦ жакшына эле иштеп жатат кытайлардан386 млн доллар алып ремонттоп койсо жылаңач жүрүп ит болмокбуз

Jojom2015

2018-01-27 15:40:29

Биринчи отопленияны бергенде ото ысытып жиберген, анда аны депутаттар айтып чыгышты талаага кетип жатат жылуулук деп, бирок ал айтканы туура айнектерди ачып жатканбыз ысыкка чыдабай, азайтып коюшту норма кылып. Бирок андан бери суук канча градуска тушту тузугуроок кобойтушподу, а акчасы болсо коп келет, акчасына жараша жылуулукту беришсе. Уйлордун бары когоруп кетти. Жайы менен кыйналып ремонт кылганыбыз бекер.

Комментарий калтыруу үчүн өз ысымыңыз менен кириңиз же каттоодон өтүңүз.