Кытайлык компания Бишкек ЖЭБинде 5,5 миллион долларга жаңы химиялык цех куруп берет

Бишкек Жылуулук электр борборун модернизациялоого катышкан Кытайдын ТВЕА компаниясы ЖЭБде 5,5 миллион долларга суу даярдап берүүчү жаңы химиялык цех курат. Бул тууралуу SUPER.KG порталына "Улуттук энергетикалык холдинг" компаниясынын өкүлү Аман Калыбеков билдирди.

Маалыматка караганда, жаңы суу даярдоочу цехтин курулуш иштерин ушул жылдын июль айында бүтүрүү пландалууда.

"12-февралдан баштап курулуш каражаттары келе баштады. Былтыр "Улуттук Энергохолдинг" ишканасынын башчысы Айбек Калиев жана ЖЭБдин жетекчилиги биргеликте кытайлык компания менен жаңы блокторго да химиялык цехтерди курууну сүйлөшүшкөн. Бул цехти курууга 5,5 миллион долларга жакын каражат кетет, аталган сумма жалпы келишимдеги 386 миллион доллардын ичиндеги каражат. Башында бул цех курулбаганынын себеби, кытайлык компания эски химиялык цехтин абалы жакшы, камсыздай алат деп аныкташкан", - дейт Калыбеков.

Эске салсак, 26-январда кечки саат 6лар чамасында Бишкектеги Жылуулук электр борборунун модернизацияланбаган бөлүгүндөгү от казандарда маселе жаралып, суунун температурасы 84 градустан 62 градуска чейин түшүп кеткен. Буга байланыштуу шаардагы үйлөргө берилген жылуулук төмөндөгөн. Орун алган мүчүлүштүктөрдөн улам Бишкектин тургундары 7 күнгө (январь айынан 5 күнгө, ал эми февраль айында 2 күнгө) акча төлөшпөгөнүн "Улуттук энергетикалык холдинг" компаниясынын басма сөз кызматынан кабарлашкан. Ошондой эле Башкы прокуратура ЖЭБдеги авария боюнча "шалаакылык" беренеси боюнча кылмыш ишин козгоп, ЖЭБдин башчысы Нурлан Өмүркул уулу кызматынан кеткен .

Бишкек ЖЭБден 120 миң 947 үй жылуулук менен камсыздалат.

Автор: Бекболсун Молдояр уулу

15:34 27-02-2018

Жазылуу

Тектеш кабарлар:

Бишкек ЖЭБдин кызматкери авариянын келип чыгуусуна эмне себеп болгонун айтты

Нурлан Өмүркул уулу Бишкек ЖЭБдин башчылыгынан кетти

Бүгүн түштөн кийин депутаттар Бишкек жылуулук электр борборуна барып, абалды жеринде талкуулашат

"Улуттук энергетикалык холдингдин" өкүлү Бишкек жылуулук менен качан толук камсыз боло турганын так айткан жок

Бишкек ЖЭБдин кызматкерлери тургундардан кечирим сурады

Бишкек ЖЭБинин директору авария тууралуу: "Насос күнөөлүү эмес"

"Экотехинспекция кийинки жумада Бишкек ЖЭБдеги аварияга тиешелүү адамдардын аты-жөнүн жарыялайт" дейт Муратбеков

"Улуттук энергетикалык холдинг": "Бишкек ЖЭБиндеги кырдаал чечилгенден кийин Өзбекстанга электр энергиясы экспорттоло баштайт"

Нурлан Өмүркул уулу: "ЖЭБди модернизациялоого 250 миллион доллар коротулган"

Бишкекте жылуулук жетиштүү берилбеген күндөргө жарандар жылуулукка карата төлөмдөрдөн бошотулат

РУБРИКАДАГЫ СОҢКУ КАБАРЛАР

14:34 2025-05-01 | Түркүн дүйнө

Бразилияда дүйнөдөгү эң кары адам каза болду 211 0

14:24 2025-05-01 | Супер-Инфо

Эсенгелди Жумакунов: «Занзибар аралынын тамак-ашына көнө элекмин» 74 0

14:12 2025-05-01 | Коом жана турмуш

Бүгүнкү майрамга карата "Ала-Арча" сейил багына кирүү акысыз болот 112 0

13:44 2025-05-01 | Кылмыштар, кырсыктар

Бишкекте тергөөчү пара алууга шектелип кармалды 272 0

13:30 2025-05-01 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 2866 0

13:27 2025-05-01 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 841 0

Архив

Комментарийлер (3)

Okunboim.

2018-02-27 15:42:10

Жалан эле чет олколуктор инвестор болот экенда

Kyrgyz_bloger

2018-02-27 15:52:31

Чет олколуктор болгону эч нерсе эмес мнеге дайыма кытайлар башкаларга эвропадан инвесторлор келип жатпайбы бизге бут кытай негедир ушул кытайлар бизге келип иштегендер кайра Кыргызстанда калып кетет деп ойлой берем да биздикилер аларды департ кылып чыгарганга да кучу жетпесе керек.

Ask094

2018-02-27 19:06:03

2 млн го бутчу нерсени биздикилер 5.5 млн дейберет. Мамлекетти жеш керек да молодец жегиле аш болсун кыргыздар чет элде кул болуп журоберсин силер ач калбагыла

Комментарий калтыруу үчүн өз ысымыңыз менен кириңиз же каттоодон өтүңүз.