Тогуз-Тородо жаңжалга алып келген алтын комбинаттын курулушка уруксат кагаздары болгон эмес

Тогуз-Тородо нааразычылыктардан улам жаңжалга алып келген алтын комбинаттын курулушка уруксат кагаздары болгон эмес. Бул тууралуу экологиялык жана техникалык коопсуздук боюнча мамлекеттик инспекциясынын директорунун орун басары Расул Артыкбаев билдирди.

Бүгүн, 16-апрелде Жогорку Кеңештеги Агрардык саясат, суу ресурстары, экология жана регионалдык өнүктүрүү боюнча комитети өкмөттүн отчётун угууда. Жыйынга катышып жаткан депутат Мирлан Бакиров буга чейин Тогуз-Торо районунда болгон жаңжалга байланыштуу суроолорду берди. Депутат өкмөт мүчөлөрүнө кайрылып: “Ал курулуштун расмий уруксат кагаздары барбы?” – деп сурады.

Ага экологиялык жана техникалык коопсуздук боюнча мамлекеттик инспекциясынын директорунун орун басары Расул Артыкбаев жооп берди.

“Бул курулуштун экспертиза жана өнөр жай коопсуздугу боюнча уруксат кагазы жок болгондуктан 2014-жылы 7-февралда токтотулган. Алардын расмий уруксат кагаздары болгон эмес”, - деди Артыкбаев.

Ал эми курчап турган чөйрөнү коргоо жана токой чарба агенттигинин директору Абдыкалык Рустамов да компания тарабынан уруксат кагаздары үчүн кайрылуу эми келгенин белгиледи.

“Биз экологиялык экспертиза жүргүзөбүз. Документтер келип түшкөндөн кийин маселе үч ай каралат. Эгер терс корутунду чыкса кароо токтотулат же кайра иштеп чыгууга жиберилет. Бизге бул документтер 2 жума мурун келди, азыр каралууда. Буга чейин документ келген эмес, эки жума мурун келген”, - деди Рустамов.

Депутат Бакиров бул маселени “баш аламандык” деп атады.

“Эч кандай экспертиза, корутунду жок башталган жумуш ушуга алып келди. Ким күнөөлүү экенин сот, тергөө аныктайт. Бирок эч кандай расмий документ жок, курулуш башталып кетти. Бул деген баш аламандык”, - деди Бакиров.

Белгилей кетсек, 11-апрелде Тогуз-Тородо миңден ашуун адамдын катышуусунда митинг болгон. Алар аймактагы алтын ылгоочу комбинаттын курулушу токтотулуусун талап кылышкан. Митингдин жүрүшүндө алтын ылгоочу комбинаттын имараты өрттөлүп, ыргытылган таштан жаракат алып, 3 милиция кызматкери жана жергиликтүү тургун ооруканага кайрылган. Кийин бул окуяга байланыштуу райондун акими кызматынан алынган.

Автор: Мунарбек Жоргомов

11:49 16-04-2018

Жазылуу

РУБРИКАДАГЫ СОҢКУ КАБАРЛАР

20:02 2025-07-22 | Коом жана турмуш

Айланып сууну чачсамбы?.. Ошто көчөлөр күн сайын жуулуп жатат (видео) 22 0

19:39 2025-07-22 | Коом жана турмуш

Ташиев МИКтен биринчи кезекте мугалимдер, дарыгерлер үй алышы керектигин айтты (видео) 213 0

19:24 2025-07-22 | Кылмыштар, кырсыктар

Базар-Коргондо наркы 12 миллион сомдон ашкан бала бакча мамлекетке кайтарылды 133 0

19:13 2025-07-22 | Бизнес-Инфо

Ашыкча төлөмсүз жана ортомчуларсыз. Asman Airlines авиакомпаниясынын билеттерин түздөн-түз asmanairlines.kg тиркемеси аркылуу сатып алыңыз 170 0

19:05 2025-07-22 | Коом жана турмуш

"Жайыраак иштесе дагы". Ташиев курулуш иштерине кыргызстандыктарды гана тартуу тапшырмасын койду (видео) 698 0

18:40 2025-07-22 | Кылмыштар, кырсыктар

Бишкекте курулуш компанияларынын биринин жетекчиси кармалды 541 0

Архив

Комментарийлер (4)

Ermekbai

2018-04-16 12:50:15

Уруксаты жок компанияны Сапар Исаков неге колдоп жатат анан. Аким күнөөлү акимди иштен алам деп.

Missing-u

2018-04-16 13:00:52

Ermekbai,оозун майлап койсо колдойтта

jbolotov

2018-04-16 21:22:33

Кыргызстанда ушунчалык баш аламандыкбы? Бутундой чет элдик компаниянын уруксат кагазы жок эле каза берсе анда кыргыз жетекчилерин сатып алган экенда, эл туура кылыптыр, озубуз коргобосок чондорго ишенич жок.

jazy

2018-04-17 00:10:18

Карапайым эл озун жерин байлык кендерин элдер оздору сактабаса жеп жуткурларга баарибир аларга акча болсо ата энесинда кошуп сатат акмактар кыргызстанда эмне эле болуп кетти же закон иштебейт акчалуулардын чиновниктердин каррупциянерлердин заманы болуп атат элди жерди чек араларды ойлогон бир да жан жоок

Комментарий калтыруу үчүн өз ысымыңыз менен кириңиз же каттоодон өтүңүз.