Баткенде прокурордун өлүмүнө шектелип кармалган чиновниктин жакындары митингге чыгышты

Бүгүн, 26-ноябрда Баткен облусунун прокурору Анарбай Мамажакыповдун өлүмүнө шектелип кармалган чиновник Мелис Калыковдун жакындары митингге чыгышты. Бул тууралуу SUPER.KG'ге Калыковдун эжеси Дариха Калыкова кабарлады. Анын айтымында, митингге чыккандар Мамажакыпов жана Калыков менен бирге аңчылыкка чыккан прокурорлорго да чара көрүлүүсүн талап кылышууда.

"Азыр Калыковдун жакындары облустук администрациянын алдына чогулдук. Биз иштин акыйкат тергелишин, алар менен аңчылыкка бирге чыккан облустук прокуратуранын кызмат адамдарына да чара көрүлүшүн талап кылып жатабыз. Анткени иним Калыковду кызмат абалынан пайдаланып аңчылыкка алып кетишкен жана тыюу салынган аймакка аңчылыкка чыгып, кызматтык унааны жеке максаттарына пайдаланышкан. Мындан тышкары, кылмыштын алдын алуу аракетин көрүшкөн эмес. Алардын мындай аракетине карата эч кандай кылмыш иши ачылган жок. Эмне үчүн прокурорлорго чара көрүлбөшү керек? Алар дагы суралып, камакка алынышын талап кылабыз", - деди Калыкова.

Облустук милициянын маалыматына караганда, Мамажакыповдун унаасы 17-ноябрь күнү кечинде Баткен шаарынан, жансыз денеси эртеси шаардын Кызыл-Жол кварталынын батыш тарабындагы Танги-Өтөк участкасы жактан табылган. Анын өлүмү боюнча эки кылмыш иши ачылып, шектүү катары Баткен облустук капиталдык курулуш башкармалыгынын башчысы Мелис Калыков кармалып, камакка алынган.

Окуядан кийин башкы прокурор Өткүрбек Жамшитов облуска барып, Мамажакыповдун өлүмү боюнча жүргүзүлүп жаткан териштирүү иштерине байланыштуу облус прокурорунун 2 орун басары, 2 бөлүм башчысы жана Баткен райондук прокурорун убактылуу жумушунан алган.

Буга чейин маалым болгондой, Мамажакыпов, Калыков облустагы прокуратуранын 4 кызмат адамы менен 17-ноябрь күнү аңчылыкка чыгышканы кабарланган.

Автор: Жамалидин Парманкулов

23:57 26-11-2018

Жазылуу

Тектеш кабарлар:

Баткен облусунун прокурору башынан алган жаракаттардан улам көз жумган. Анын өлүмүнө шектүү мас абалында кармалды

Баткен облусунун прокурору Анарбай Мамажакыповдун өлүмүнө шектүү 2 айга камалды

Баткен облустук прокурорунун өлүмүнө шектүү Калыковдун арызы анын катышуусу жок каралууда

Прокурордун өлүмүнө шектүүнүн арызы боюнча сот. Судья айыпталуучунун катышуусу жок чечим кабыл алууда

Киши колдуу болгон прокурордун аңчылыкка кошо чыккан адамдар менен түшкөн сүрөтү жарыяланды

Баткен облустук прокурорунун өлүмүнө байланыштуу анын эки орун басары жана бөлүм башчылары жумуштан алынды

Баткен облустук прокурорунун өлүмүнө шектүү Мелис Калыковдун арызы канааттандыруусуз калды

Башкы прокуратура Баткен облусунун прокурору болуп Улук Өмүрзаков дайындалганы тууралуу маалыматты четке какты

Баткенде прокурордун өлүмүнө шектелип кармалган чиновниктин жакындары митингге чыгышты

Баткенде облус прокурорунун өлүмүнө шектелген жаранга милиция кызматкерлери тарабынан кыйноо болгону айтылууда

РУБРИКАДАГЫ СОҢКУ КАБАРЛАР

11:44 2025-06-09 | Түркүн дүйнө

ABC News телеканалынын кабарчысы Трамп тууралуу жасаган билдирүүлөрүнөн кийин жумушунан айрылды 112 0

11:30 2025-06-09 | Коом жана турмуш

Жалал-Абадда куткаруучулар үйдөн жыланды чыгарышты (видео) 371 0

11:13 2025-06-09 | Түркүн дүйнө

Криштиану Роналду Португалиянын жеңишинен кийин көзүнө жаш алды (видео) 491 0

10:58 2025-06-09 | Саясат

Президентке караштуу Мамлекеттик башкаруу академиясына жаңы ректор дайындалды 326 0

10:58 2025-06-09 | Коом жана турмуш

Эртең Бишкектин айрым көчөлөрүндө суу өчүрүлөт 146 0

10:56 2025-06-09 | Кылмыштар, кырсыктар

УЕФАнын Улуттар Лигасында Португалия командасы жеңишке жетти 310 0

Архив

Комментарийлер (3)

Mars575

2018-11-26 14:29:27

Эн туура, эмне учун алар камалбайт, бардык чирик ошолордо. Арак ичпеген адам экен а тиги прокурорлор бир нерсе ичирип койгондур да.

bazz

2018-11-27 00:24:12

Суроолор коп экен. Истинага жетиш кыйын го

Miya

2018-11-27 22:02:03

Mars575, эн тура. Булардын даны куноосу болушу керек. Себеби, Бир канча дыл мурда булар бирге иштегенди подстава кылып каматып жиберишкен. Прокуратура имаратыны болунгон акчаны жеп алышып, документке кол кой десе, койбосо, кабинетине акча таштап подстава кылган!

Комментарий калтыруу үчүн өз ысымыңыз менен кириңиз же каттоодон өтүңүз.