Прокуратура: "Баткен облустук прокурорун өлтүргөнгө шектелип кармалган Калыков маркумдун денеси тамекинин күлүнөн чыккан өрткө күйүп кеткенин айтты"

Баткен облусунун прокурору Анарбай Мамажакыповду Баткен облустук капиталдык курулуш башкармалыгынын башчысы М.Калыков баш сөөккө атып өлтүргөн. Мындай маалыматты Башкы прокуратуранын Тергөө башкармалыгынын башчысы Замир Бейшекеев 29-ноябрда өткөргөн маалымат жыйынында билдирди. Анын айтымында, экөө аңчылыктан келе жатып пикир келишпестиктен улам уруша кетишкен.

"Мамажакыповдун өлүмү боюнча Башкы прокуратурага маалымат түшөрү менен жумушчу топ түзүп, Баткен облусуна бардык. Башкы прокурор жумушчу топтун жыйынында Мамажакыпов жана Калыков менен аңчылыкка бирге чыккан облус прокурорунун эки орун басарын, эки бөлүм башчысын жана Баткен районунун прокурорун тергөө бүткөнгө чейинки убакытка жумуштан бошоткон. Ошол учурда кылмыш иш окулуп чыгып, объективдүү тергөө жүргүзүүгө жазуу түрүндө көрсөтмө берилген.

Кылмыш ишине шектүү катары кармалган Калыков көрсөтмө берген. Анын айткандарына караганда, экөө аңчылыктан келатып уруша кетишкен. Кийин унаасын токтотуп коюп жерге түшүп мушташышкан. Андан кийин Калыков Мамажакыповдун баш сөөгүнө кокустуктан мылтыгы менен атып жиберген. Коркконунан улам ошол жерде тамеки чегип жатып өзүнүн курткасын күйгүзүп алган. Күйүп жаткан курткасын Мамажакыповдун жанына таштап коюп, андагы өрт Мамажакыповго өтүп, денесинин 80 пайызы күйүп калган. Ошол учурда мас абалында болгонун айткан. Анын көрсөтмөсүнөн сырткары бир топ далил заттар алынган, күбөлөрдүн көрсөтмөсү бар. Ошондуктан Калыковдун күнөөсү толугу менен далилденген", - деди Бейшекеев.

Облустук милициядан билдиришкендей, прокурор Мамажакыповдун Лексус 470 үлгүсүндөгү унаасы 17-ноябрь күнү кечинде Баткен шаарынын Т.Турмаматов көчөсүнөн табылып, унаанын сыртында канга окшогон тактар бар экендиги билинген. Издөө иштеринин натыйжасында анын жансыз денеси 18-ноябрь күнү таңкы саат 6:00 чамасында Кызыл-Жол кварталынын батыш тарабындагы Танги-Өтөк участкасы жактан табылган.

Белгилүү болгондой, киши колдуу каза болгон Анарбай Мамажакыпов 1975-жылы Ош облусунун Чоң-Алай районунда туулган. Маркумдун артында төрт баласы калды. Ал ушул жылдын май айынан тартып Баткен облустук прокурору болуп иштеп жаткан. Ага чейин Талас шаарынын прокурору болгон. Анын сөөгү 19-ноябрда Чоң-Алай районундагы туулуп-өскөн Чак айылында жерге берилген.

Автор: Жамалидин Парманкулов
Фото: Жамалидин Парманкулов

07:31 30-11-2018

Жазылуу

Тектеш кабарлар:

Баткенде облус прокурорунун өлүмүнө шектелген жаранга милиция тарабынан кыйноо болду деген маалымат боюнча ИИМ билдирүү таратты

Баткен облустук прокурорунун өлүмүнө шектүү окуядан 10 күн мурун прокурордун өзүнө кат жазган

Баткен облустук прокурорунун өлүмүнө шектүү Калыковдун арызы анын катышуусу жок каралууда

Баткен облустук Капиталдык курулуш башкармалыгынын кызмат адамдарына кылмыш иши ачылды

Баткен облусунун прокурору Анарбай Мамажакыповдун өлүмү боюнча соттук отурумда уруш чыкты

Президент прокурордун өлүмү тууралуу: "Шектелген киши менен чогуу жүргөн туура эмес"

Депутат облус прокурорунун өлүмү боюнча анын жанында болгон башка прокурорлор эмне себептен жоопкерчиликке тартылбаганына кызыкты

Прокурордун өлүмүнө шектүүнүн арызы боюнча сот. Судья айыпталуучунун катышуусу жок чечим кабыл алууда

Баткен облусунун прокурорунун каза болгонуна 5 ай болду. "Тергөөдө дагы жаңы адамдардын аты аталды" дейт айыпталуучунун тууганы

Баткен облусунун прокурорунун өлүмүнө айыпталып жаткан жаран ачкачылыкты токтотту

РУБРИКАДАГЫ СОҢКУ КАБАРЛАР

15:52 2025-06-09 | Коом жана турмуш

Баткенде мыйзамсыз ижарага берилген жер мамлекетке кайтарылды 58 0

15:39 2025-06-09 | Кылмыштар, кырсыктар

Баткенде 38 жаштагы аял асынган абалда табылды 214 0

15:30 2025-06-09 | Коом жана турмуш

"Натыйжа кайда?.." Бишкектин мэри Жунушалиев Депо-3тү текшерди 159 0

15:27 2025-06-09 | Түркүн дүйнө

"Гарри Поттер" сериалынын жылдызы Том Фелтон Драко Малфойдун ролуна кайтып келет 111 0

15:15 2025-06-09 | Кылмыштар, кырсыктар

Бишкекте 19 жаштагы жоокер өз жанын кыйды 461 0

15:14 2025-06-09 | Түркүн дүйнө

Роналду "Аль-Насрда" калууну пландап жатканын билдирди 210 0

Архив

Комментарийлер (7)

Emilzima

2018-11-29 13:48:55

Мамлекеттик кызматта иштегендер Лексус унаасынан башка машина мине алышбайбы? мен да мамкызматта иштейм, бирок айлыктан айлыка сарамжалдап аран жеткизем го....

Umakg

2018-11-29 14:31:05

Менда айлык менен жашайм лексус мингени кыялымда учат алыстарда

Snejana

2018-11-29 16:17:08

Umakg,лексус минбей эле, аман бололучу.

Abdizhapar

2018-11-29 16:19:18

Тамекинин кулуно деп кичине кудайдан корксонор боло

Sahka

2018-11-29 17:20:14

Мамлекеттик кызматты кыянаттык менен, арам тамак менен уй-булосун баккан ххххх бар. Ошондой эле аз да болсо адал эмгек менен жан баккан кызматкерлер да жок эмес

janymjamal

2018-11-30 15:36:59

Тешип чыгыптыр да

elmaro

2018-11-30 19:06:30

Тамекинин күлүнө күйгүдөй ага чейин прокурор өзүнө-өзү бензин куюнуп алган го

Комментарий калтыруу үчүн өз ысымыңыз менен кириңиз же каттоодон өтүңүз.