"Дискриминацияга кабылдым". Коронавирус жуктурган дагы бир дарыгердин каты жарыяланды

COVID-19 диагнозу аныкталган дагы бир дарыгердин каты жарыяланды. Дарыгердин анонимдүү билдирүүсүн Саламаттыкты сактоо министринин мурунку кеңешчиси Елена Баялинова Фейсбук баракчасына чыгарды.

"Менин ПЦР-анализимден коронавируска чалдыкканым аныкталганда эмне кыларымды билбей калдым. Алдыга койгон көп иштерим, пландарым бар болчу. Анан дароо үйдөгүлөрдү ойлоп чочуладым. Тилекке каршы, вирус кимсиң, кайдансың деп сурап отурбай, тандоо кылууга да мүмкүнчүлүк бербей жашооңо кирип, өзүнүн ишин кыла берет экен. Бат кийимдеримди чогулттум да Бишкектеги республикалык жугуштуу оорулар клиникалык ооруканага өзүнчө бөлүмгө жаткырылдым. Ооруканада жатканыма төрт күн болду, өзүмдү жакшы сезип жатам. Дарыларды, витаминдерди ичип келем. Мени бул жактагы медициналык персоналдардын тартиби, ак көңүлдүгү кубандырууда. Башкы дарыгерден санитарларга чейин баары тегиз жоопкерчиликтүү менен мамиле кылышууда.

Айрым медициналык аткаминерлер жана кесиптештер менин диагнозумду угары менен телефон чалып, кантип ооруну жуктурууга жол бергенимди суракка алышып, айланамдагыларга коркунуч жаратып жатканымды айтышты. Негизи анализдин купуялуулугу сакталышы керек эле, алар меникин кайдан билип алышты? Мейли, аны да Кудай көрүп тургандыр. Баса, биз акыркы кезде иштешкен бир да аткаминер чалып, менин абалыма кызыгып, сурап койгон жок.

Биринчи күнү көп ыйладым "эмне үчүн мен?" деген суроо жаралып аябай ыза болдум. Кургак учук, ВИЧ оорусу менен ооруган бейтаптар көбүнчө кабыл болгон дискриминацияга кабылдым. Бул нерсе оорудан да жаман.

Жолдошум дайым мени алдыңкы катарда жүрөсүң, күн-түнгө карабай иштейсиң деп туура айткан экен. Мен азыр эч кандай материалдык компенсация тууралуу ойлонуп же алкыш алсам деп ойлогон жокмун. Менин оюмдун баары оорлошуп кетпей батыраак айыгып чыгуу. Ооруканада жаткан кесиптештериме же ар дайымкыдай кызматта турган медициналык кызматкерлерге эч нерсеге өкүнбөй, көңүлдү чөктүрбөй иштей беришин каалайм. Бул биздин эл алдындагы милдетибиз. Бул аздык кылабы?" - деп бүтүргөн дарыгер сөзүн.

Белгилей кетсек, 14-апрелге карата өлкөдө коронавирус жуктурган медицина кызматкерлеринин саны 79га жетти.

Автор: Гүлжамал Абылкасымова

17:41 14-04-2020

Жазылуу

Тектеш кабарлар:

Дагы 7 медицина кызматкери коронавирус жуктуруп алганы аныкталды

Шаардык мэрия: "Беш-Сары" соода борбору уруксаты жок ачылып, иштеп баштаган"

Соль-Илецктен 541 жаран Кыргыз өлкөсүнө келди

Бир суткада 742 адамдан коронавирус аныкталды

24-марттан кийин чартердик каттамдар токтотулат

"Ювентус" клубунун оюнчусу, профессионал футболчу коронавирус жуктуруп алды

Коронавирус пандемиясынын тийгизген таасири. Меккедеги зыяратчылар бүгүн жана бир жыл мурун (сүрөт)

Орусияда акыркы бир сутка ичинде 8 миң 371 адамдан коронавирус аныкталып, 174 адам каза болду

Финляндия кайрадан 10 өлкөнүн жарандарынын кирүүсүнө чектөө коёт

4-майга карата Бишкек шаарындагы 16 жаңы конуштан 69 адамдан коронавирус аныкталды (тизме)

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 1984 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 191 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 1093 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2706 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 1102 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 1094 0

Архив

Комментарийлер (9)

Gulinura

2020-04-14 18:13:41

Эртерээк сакайып кетиңиз
.

+11

milan-707

2020-04-14 18:26:17

Аллах шыпасын берсин амин

filis

2020-04-14 18:31:54

Жараткан Тенирим кыргыз элимди кырсыктан сактасын.

-12

Zulaika94m

2020-04-14 18:43:15

Кыргызстандагы врачтар озу акча бербесен карабай калышкан силергеда сыноо болду окшойт. Акча бербесен конул кош мамиле жасап орой мамиле жасашчу. МЗ ушул маселенида чечиш керек бардык манипуляция, приемдорду только через кассу оплата жасай турган кылып ещё ар бир дарыгердин кабинетине видионаблюдение коюш керек

Senator

2020-04-14 19:07:57

Инша Аллах баары жакшы болот буюрса,

marmiladka9

2020-04-14 19:11:01

эртерээк айыгып кеткиле. беш кол Тен эмес

Sa89ai

2020-04-14 19:14:11

Аллахым шыпаа берсин батыраак айыгып кетишсин ооруп жаткандан

admin_portal

2020-04-15 12:10:31

Sa89ai, mirlan_86, коомдук адепти сактагыла. Эскертүү!

Birimdik5555

2020-04-15 14:29:27

Аллахым шыпаа берсин

Комментарий калтыруу үчүн өз ысымыңыз менен кириңиз же каттоодон өтүңүз.