Бишкектин 4 районунда медициналык борбор ачылат. Анда пневмония жана курч респиратордук инфекция менен ооругандарды дарылайт

Бишкекте курч респиратордук вирустук инфекция жана пневмониянын жеңил жана орто формасы менен ооруган бейтаптарды дарылоо үчүн атайын 4 борбор ачылат. Маалыматты республикалык ыкчам штабдан кабарлашты.

Медициналык борборлордо капельница дагы алса болот. Борборлор саатына 700 бейтапты тейлейт. Убактылуу стационарлар борбор калаанын төрт районунда ачылат.

"Учурда ооруканага жата албай жаткан адамдар өтө көп. Алар оор абалдагы бейтаптардан бошобой жатат. Бирок оорунун алгачкы белгилери байкалган жарандар бар. Үйдө жатып алар оорусун күчөтүп албашы керек. Баары өз убагында медициналык жардам алуусу үчүн шаардык муниципалитеттин күчү менен борбор калаанын төрт районунда стационардык борборлор ачылат. Мында тажрыбайлуу дарыгерлер нөөмөткө туруп, консультация берип, зарыл процедураларды жасашат", - деди өкмөт башчы Кубатбек Боронов.

Өкмөт башчы айткандай, ар бир стационардык борбор 200 орунга эсептелген. Алар күнүнө 4000ден 6000ге чейин адамды тейлешет. Зарыл болгон шартта орундар көбөйтүлөт. Адистер курч респиратордук вирустук инфекциянын, пневмониянын же сасык тумоонун биринчи белгилери пайда болгон жарандарга ушул убактылуу медициналык борборлорго кайрылууну сунушташат. Ар бир борбордун көчмө дарыканалары болот, аларда керектүү дарылар сатылары айтылат маалыматта.

Бишкектеги убактылуу борборлор төмөндөгү даректер боюнча ачылат:

* Ленин району – "Газпром" Ден соолукту чыңдоочу комплекси;
* Биринчи Май району – Спорт сарайы;
* Свердлов району – Р.Санатбаев атындагы ден соолукту чыңдоочу комплекс;
* Октябрь району – чиркөөнүн жанындагы наабайкананын имараты (Магистраль боюнча).

Автор: Бактыгүл Момбекова

12:17 04-07-2020

Жазылуу

Тектеш кабарлар:

Бишкектин мэри Азиз Суракматовдон коронавирус аныкталды

Коронавирус пандемиясына байланыштуу Саламаттыкты сактоо министрлиги бере турган маалымат жыйыны белгисиз себептерден улам болбой калды

Ошто көмүр кен компанияларына жана цемент заводдоруна иштөөгө уруксат берилди

Коңшу Казакстанда бир суткада 52 адам коронавирус илдетин жуктуруп алды

АКШнын тургуну коронавирустун тестин күтүп жатып көз жумду

Акыркы суткада коронавирус жуктурган медицина кызматкери катталган жок

Казакстанда коронавирус жуктургандардын саны 348ге жетти

АКШда август айына чейин коронавирустан каза болгондордун саны 135 миңге жетиши мүмкүн

"Ухан вирусу": Дүйнөдө коронавирустан каза болгондордун саны 680 миңден ашты

Индиялыктар коронавирустун Кудайы бар дешип, ага сыйына башташты

РУБРИКАДАГЫ СОҢКУ КАБАРЛАР

19:33 2025-05-01 | Түркүн дүйнө

Орус ырчысы Григорий Лепс 19 жаштагы сүйүктүүсү менен боло турган тойду жылдырды 1485 0

19:12 2025-05-01 | Бизнес-Инфо

Кешбэк менен эс алуу: Bakai Bank менен көңүл ачууга 5%га чейин 153 0

18:02 2025-05-01 | Коом жана турмуш

"Багбан болушума ковид таасир этти" дейт Фазенда атыккан багбан (видео) 893 0

17:33 2025-05-01 | Саясаттагы соттук иштер

Султанбай Айжигитовдун сотто отурган жеринен жыгылган видеосу тарады 2351 1

17:04 2025-05-01 | Кылмыштар, кырсыктар

УКМК Лебединовканын мурдагы айыл өкмөт башчысын кармады 962 0

16:51 2025-05-01 | Коом жана турмуш

Бишкекте HOWO унаасы толугу менен өрттөнүп кетти (видео) 978 0

Архив

Комментарийлер (5)

elebes86

2020-07-04 12:30:15

Корунгон жерге мечиттерди эмес, ооруканаларды салыш керек деп адистер какшап эле келишкен. Азыр салган мечиттерден эч пайда коргон жокпуз. Коргон пайдабыз молдолордун жомокторуна ишенип, диний сокур фанатизмге кирип кеттик. Мечиттерди оорканаларга айлантыш керек.

-BOSS-

2020-07-04 16:05:40

elebes86, мечиттерди мамлекет эмес жеке ишкерлер салып жатат, мечиттин сага пайдасы тийбесе башкаларга пайдасы тийип жатат.

-2

HHFRU

2020-07-04 21:57:23

elebes86,оюңузга кошулам. Ар бир мечит салууга уруксатты, мечиттин жанына бала бакча же бир социалдык имарат кошуп сала турган кылса эки тарап тең ыраазы болот эле. Жекече оюм, баса калбагыла.

-1

turaliev

2020-07-04 14:01:58

Ой д.лар январда башталган бул оору давным давно дайяр болуш керек болчу бул ооруканалар, ушуга чейин эмне кылып журдунор? Кун сайын жуздогондор олуп атат пневманиядан

sabirdinovich

2020-07-04 17:31:55

Азаматсыңар, бираз кеч болуп калды, ошентсе да силерге чоң рахмат

Комментарий калтыруу үчүн өз ысымыңыз менен кириңиз же каттоодон өтүңүз.