Баткен. Жаштар күнүнө жана эл аралык студенттер күнүнө карата КВН өткөрүлмөкчү

10-ноябрь жаштар күнүнө жана 17-ноябрь эл аралык студенттердин күнүнө карата БатМУнун башкы мекемеси жана анын окуу түзүмдүк бөлүмдөрүнүн командаларынын ортосунда КВН өткөрүлмөкчү. Ага Баткен, Сүлүктү, Кызыл-Кыя шаарларынын шайыр, тапкыч жаштарынан түзүлгөн 6 команданын катышуусу күтүлүүдө. Бул иш-чаранын максаты БатМУнун студенттеринин арасында байланышты, достукту, ынтымакты чыңдоо болуп саналат. Таймаштын жеңүүчүлөрүнө кызыктыруучу жана акчалай сыйлыктар ыйгарылат. Бул тууралуу БатМУнун жаштар жана маданият бөлүмүнүн жетектөөчү адиси билдирди.

Автор: Бегайым Тажибай кызы