"Ата Мекен" жана "Күчтүү Кыргызстан" партиялары чогуу билдирүү жасашты

Аида Салянова, “Күчтүү Кыргызстан” партиясынын лидери

Өмүрбек Текебаев, "Ата Мекен" партиясынын лидери

“Ата Мекен” жана “Күчтүү Кыргызстан” саясий партиялары парламенттик шайлоо алдындагы түзүлгөн саясий кырдаалды эске алып, боло турган бул маанилүү саясий кампанияда жана андан кийин дагы биргеликте иш алып баруу чечимине келип отурушат.

Мындай чечим партиялардын саясий платформаларында белгиленген негизги маселелер боюнча пикирлери дал келгендиктен келип чыкты. Саясий платформалар мыйзам үстөмдүгү идеясынын негизине таянат. Мамлекеттин бүтүндүгү, уюшулган кылмыш жана терроризм менен күрөшүү, бийлик менен криминалдын жуурулушуп кетишине жол бербөө – ар дайым биздин партиялардын көңүл борборунда.

Мамлекеттик башкаруу тармагында биз саясий реформаларды улантып, парламенттик демократия жолу менен кете беребиз. Мамлекеттик институттар адам укугун демократиялык өлкөнүн эң башкы байлыгы катары туу тутушу зарыл. Биз мамлекеттик башкарууда жаңы салтты көрсөтүүгө даярбыз, анда кесипкөйлүккө гана таянып, баарын ачык көрсөтүп, эл алдында жооп берип турушубуз, чынчылдык, адамдык жогорку моралдык сапаттар, рухий нарк-насилди алып жүрүү милдет.

“Ата Мекен” социалисттик партиясы менен “Күчтүү Кыргызстан” саясий партиясынын эң негизги багыттары – коррупция менен күрөшүү, сот реформасы, экономиканы жаңылоо, жакырчылыкты жоюу, жаңы инновациялардын жардамы менен өлкөнү өнүктүрүү, аялзаты менен жаштардын маселелерин чечүү болуп саналат.

Биздин партияларды мыйзамдуулук менен жоопкерчиликке негизделген күчтүү мамлекетти куруу идеясы бириктирип турат. Партияларыбыздын мүчөлөрү бир ооздон жетишкен күчтүү кыргыз өлкөсүндө жашагылары келерин жашырбай, ал үчүн болгон аракеттерин кыларын айтып келишет. Биздин партиялаштар казаны кайнабаган калп менен күрөшүп, өтө пастыкка, ыймансыздыкка, жеке кызыкчылыкка сугарылган саясатка каршы турууга даяр.

Биз биргеликте өлкөнү өзгөртүп, башкаруу системин, калыптанган адаттарды өзгөртүп, мамлекеттик кызматкерлердин, укук сакчыларынын, ишкерлердин, өзүбүздүн да жүрүм-турумдарыбыздан бери өзгөртүшүбүз зарыл. Ошондуктан биз жоопкерчиликтүү, ар бир маселеге өз көз карашы бар, жарандардын жалпы кабыл алынган каада-салтын сыйлаган, өзүнүн күнүмдүк майда кызыкчылыгынан ар-намысын жогору койгон журт кулундарына таянабыз.

Биз таза шайлоо үчүн! Шайлоонун жыйынтыгында кайсы бир партия эмес, алтындай болгон өлкөбүз утушка ээ болсо дейбиз. Партиялаштарыбыздын жалпы идеялары, көз караштары бирдей чыгып, башка көйгөйлүү маселелер боюнча оюбуз бир жерден чыккандыктан, аларды ишке ашырууда кызматташтык гана утуп чыгарын сезип-туюп, шайлоо алдында да, шайлоодон кийин да иш-аракетибиз эриш-аркак болот деген таризде биригип отурабыз.

15:15 05-08-2015

Жазылуу

РУБРИКАДАГЫ СОҢКУ КАБАРЛАР

14:58 2025-04-30 | Коом жана турмуш

"Ош базарда" соода кылган аял дайынсыз жоголду 11 0

14:37 2025-04-30 | Кылмыштар, кырсыктар

Тажикстандан ташылып келинген баңгизаттарды сатуу менен алектенгендер кармалды 117 0

14:28 2025-04-30 | Кылмыштар, кырсыктар

УКМК Султанбай Айжигитов жана анын жубайы боюнча билдирүү жасады 551 0

13:54 2025-04-30 | Бизнес-Инфо

"Компаньон Банкы" жана "Тазалык" өз ара кызматташтык тууралуу макулдашууга кол коюшту 145 0

13:26 2025-04-30 | Түркүн дүйнө

Сирияда Башар Асаддын атасынын сөөгү уурдалды 990 0

12:55 2025-04-30 | Саясат

Камила Талиева министр Жамангуловго "2" деген баа койду (видео) 691 0

Архив

Комментарийлер (11)

Polat

2015-08-05 15:22:18

Муну биз башынан эле билген элек. "Ата Мекен" социалисттик жана "Кучтуу Кыргызстан" партияларынын билдируусу оз убагында айтылган саясый кадам. Текебаев менен Салянованын ойлорунун бир жерден чыкканы мыйзам ченемдуу. Кыргыз мамлекетинин келечегин туптоо ушундай азаматтардын колунда биз кучтуу, бирдиктуу Ата мекен учун, бар бол кыргы эли.

-1

deva

2015-08-05 15:28:41

Сонун болду! Ошондо Мелис Мырзакматов да булар мененби? Түшүнбөй калганский...

ertur

2015-08-05 15:45:51

Туура кадам, мындай биригууну оз убагында баалоо жаркын келечек учун чон жетишкендик!

-3

sagyn01

2015-08-05 15:46:43

Биригип алышып билдируу таратышкандардан тажадык

malywKG

2015-08-05 16:05:42

Мелис акада ушулар мн чогуубу админ.

Sayragul

2015-08-05 16:10:34

Чыптамасы озуно сонун жарашыптыр, озу дагы сулуу келишимдуу айым. Ишине ийгилик каалайбыз.

admin_superstan

2015-08-05 17:56:18

deva, beka1207, Altynbekk5, chonkurulush, талкуудан алыс билдирүүлөр өчүрүлдү! Азырынча оозеки эскертүү! Кайталанса, сайттан четтетилесиңер!

Mars55

2015-08-05 19:52:46

мен эч кимге ишенбейм бирикседа болунсода оздорунун кызыкчылыгы учунда.

adilbars

2015-08-05 23:30:44

Мелис буларга окшогон кучтуу саясатчы эмес,кайра кайра аны жаза бергенибиз туура болбойт. Абийирсиз бийлик менен курошто Мелис туура эмес жол тандады,аны командасы жана партиясы сатып кетти, а убагында Мелис да саткан экен аны да сатты. Таза болушса копко барышат. Мелисти окмот башчы болуп турганда Ошко келген Жоомарт Оторбаев куноосуз деген эле. Эми минтип 7 жылга кесишти. Текебаев гана акты ак, караны карай дей алат. Мынча кызматташып атат кийинки сотто комок корсотсо жакшы эле Мелиске

sultan89

2015-08-06 01:58:12

Айланайын атка минерлер шайлоону жыйыштырып Баткендеги чек арадагы чырды чечип бергилечи

Sayragul

2015-08-06 11:11:13

Чын эле бул жакта баарынын ою шайлодо, ал эми чек арадагы жашаган жашоочуулар жанын колуна кармап, жашап жатышат го , кичине ошол жактарга конулубузду буруп, жлдин коопсуздугун ойлойлу колунан жумуш келген бийлик окулдору, партия лидерлери. Тынчтык заманды камсыздап анан шайлоону.

Комментарий калтыруу үчүн өз ысымыңыз менен кириңиз же каттоодон өтүңүз.