2016-жылы 29-апрелде акцияларын сатууну токтотуу боюнча “Центерра Голд” билдирүү таратты

2016-жылы 29-апрелде акцияларын сатууну токтотуу боюнча “Центерра Голд” комментарий берди. Компаниянын маалыматтык билдирүүсүндө булар айтылат:

Үстүбүздөгү жылдын 30-апрелинде Кыргыз Республикасынын бир катар ЖМКлары компаниянын акционерлерине жакын көмүскөдөгү булактарга таянып, "канадалык регулятор IIROC баалуу кагаздар боюнча Улуттук агенттиги "Centerra Gold Inc." ("Центерра") менеджментине карата иликтөө иштерин баштап, Торонтодо акцияларды жүгүртүүнү токтотту" деген маалыматты таркатышкан. Бул маалымат туура эмес жана расмий түшүндүрүүнү талап кылат.

Чындыгында, Канаданын инвестициялык индустриясын жөндөө уюму (IIROC) канадалык мыйзамдар жана баалуу кагаздарды жүгүртүүнүн эл аралык шарттарына ылайык, 2016-жылы 29-апрелде "Центерра Голд" акцияларын сатууну убактылуу токтоткон. IIROC компаниясынан орчундуу маалымат күтүлгөн учурда акцияларды сатууну убактылуу токтотуу чечимин кабыл алууга укуктуу. Акция сатууну токтотуу принциби бардык инвесторлор компания тууралуу орчундуу маалыматты текши бир учурда алуусуна шарт түзүүгө негизделген.

IIROC - Канаданын карыздык жана үлүштүк рынокторундагы соода аракеттери менен инвестициялоо дилерлеринин үстүнөн көзөмөлдөгөн өзүн өзү башкаруучу улуттук уюм.

"Центерра Голд" расмий пресс-релизи аркылуу ага толук таандык Кыргыз Республикасындагы туунду ишканасы "Кумтөр Голд Компанинин" бишкектик кеңсесинде ушул жылдын 28-апрелинде “Центерра” жана КГК ортосундагы мурдагы ички корпоративдик транзакцияларына байланыштуу каржылык бузуулар орун алган делген кылмыш ишине тиешелүү документтерди чогултуу максатында Кыргыз Республикасынын Башкы прокуратурасы жана башка укук коргоочу кызматтар менен биргелешип тинтүү жүргүзгөн абал жөнүндө бардык кызыкдар тараптарды маалымдаган. Иликтөө иштери “Кумтөр” кенинин иштешине таасирин тийгизген жок жана ал штаттагы тартипте иштөөдө.

Расмий пресс-релиз чыгаргандан кийин “Центерра Голд” баалуу кагаздарын биржада жүгүртүү толук кандуу улантылган жана CG символунда "Центерранын" акциялары жүгүртүүдө экенин Торонто фондулук биржасынын расмий сайтынан бул шилтеме аркылуу тастыктоого болот. (http://web.tmxmoney.com/article.php?newsid=86695141&qm_symbol=CG)

Автор: Автандил Добулбеков

21:52 03-05-2016

Жазылуу

РУБРИКАДАГЫ СОҢКУ КАБАРЛАР

12:55 2025-04-30 | Саясат

Камила Талиева министр Жамангуловго "эки" деген баа койду (видео) 45 0

12:30 2025-04-30 | Кылмыштар, кырсыктар

ИИМ окуучулардын дааратканада сабалышы Казакстанда болгонун билдирди 204 0

12:20 2025-04-30 | Коом жана турмуш

Эскертүү! Боомдо таш кулатуу иштери жүргүзүлөт. Качан? 86 0

12:00 2025-04-30 | Саясат

Жылдыз Садырбаева парламенттин вице-спикерлигине шайланды (видео) 320 0

11:52 2025-04-30 | Коом жана турмуш

Автобуста орун бошоткон кызга рахмат айтып, комуз менен ырдаган кишинин видеосу тарады (видео) 476 0

11:49 2025-04-30 | Бизнес-Инфо

iPhone популярдуу моделдери пайдалуу баа менен — сиздин шаарда! 154 0

Архив

Комментарийлер (6)

nur0077

2016-05-03 13:02:07

Жон эле,Жоотторго кошулуп Элдин ырыскысын уурдабай,мамлекет бар экенин эскертип,ушинтип опуза-омуроолоп коюш керек.Болбосо булар эшек жайлоого чыгып,семирип,ашыкча семирип болбой калды эле.

ofiser26

2016-05-03 13:14:53

Мени окундургону бир да окмот,Кумтордону кызыкчылыгы бар адамдардын ысымдык тизмесин жарыялай албай койду. Бул жерде чон бир саясат жатат. Бешенебизге эшек эмес ат тепкендей болуп калдыкго. Озголор,озубузго кожоюн.

alooke

2016-05-03 13:40:16

Кумторду алганы менен кыргыздар иштете албайт. Дагы бир инвесторлорго жалдырайт. Андан коро булардын тилин таап жакшылап иштеше бериш керек. Кумторду саясатчылар элге жаман корсотуп жатышат.

Aza17

2016-05-03 14:17:06

Бул жерде ото чон суммада комускодо акча ойнойт,комускодогу акчаны чон кызматка келген жаны кадрлар м.н болушо албай жатышат. Ошонун ызычуусу.

-1

marik10

2016-05-03 18:15:57

Aza17,саясатта каражаттын деле кереги жок, кичине проблемалуу маселе болсоле ошону курал кылып упай табабыз дейт, бирок экономика тарабын эч ким ойлобойт

-1

jaazira13

2016-05-03 18:08:54

кумтор ишин баштагандале саясый курал болуп 1,5 млрд доллар болгон акцияларабызды уч жылдын ичинде 400 млнга чейин арзандатып ийдик, имиджибизди буздук, эконоимкабызды кыйнап атабыз. буга ким жооп тартат?

Комментарий калтыруу үчүн өз ысымыңыз менен кириңиз же каттоодон өтүңүз.