Бишкек шаарынын прокурору Кубанычбек Бейшекеев кызматтан кетти. Бул тууралуу маалыматты бүгүн, 21-июлда Башкы прокуратуранын басма сөз кызматы билдирди.
Маалыматка караганда, шаар прокурору кызматтан кетүү арызын өз каалоосу менен жазып берген.
Ошондой эле Ош, Талас, Нарын, Ысык-Көл облустарынын да прокурорлору кызматтан алынганы белгилүү болду.
Айта кетсек, Кубанычбек Бейшекеев Жогорку Кеңештин депутаты Өмүрбек Текебаев менен Дүйшөнкул Чотоновдун соттук ишинде мамлекеттик айыптоочу катары катышып келген.