ЖАМК: "Өмүрбек Текебаевди абактан алып чыгып, ооруканадан ден соолугун текшерүүгө уруксат берүү маселеси каралууда"

"Ата Мекен" партиясынын лидери Өмүрбек Текебаевди абактан алып чыгып, ооруканадан ден соолугун текшерүүгө уруксат берүү маселеси каралууда. Бул тууралуу бүгүн, 23-январда Жазаларды аткаруу мамлекеттик кызматынын басма сөз катчысы Элеонора Сабатарова билдирди.

"Учурда Өмүрбек Текебаев Бишкектеги №47-абакта жазасын өтөп жатат. Ал кардиолог жана эндокринологдун текшерүүсүнөн өттү. Дарыгерлер "жүрөгүн тиешелүү аппараттан текшериш керек" деген сунуш беришти. Ал аппарат бизде жок. Жакынкы күндөрү абактын жетекчилиги жана биздин дарыгерлер ал сунушту карап, бир чечимге келишет. Балким, Текебаевди абактан сырткары алып чыгып, аппараттан текшерүүдөн өткөрүүгө уруксат берилет. Берилбей да калышы мүмкүн. Анткени №47-абак негизи оорукана, биздин эле дарыгерлер карашат", - деди Сабатарова.

Буга чейин Жогорку Кеӊештин бир топ депутаттары Текебаевди түрмөдөн ооруканага которуу өтүнүчү менен ЖАМКнын төрагасына кат жолдошкон.

Исхак Масалиевдин айтымында, "Ата Мекендин" лидеринин кан басымы көтөрүлүп жатканы байкалган.

Белгилей кетсек, 2017-жылы 16-августта Бишкек шаарынын Биринчи Май райондук соту Өмүрбек Текебаевди жана мурдагы элчи Дүйшөнкул Чотоновду ар бирин 8 жылга эркинен ажыраткан. 2-октябрда Бишкек шаардык соту, 21-ноябрда Жогорку Сот Текебаев менен Чотоновго карата Биринчи Май райондук сотунун өкүмүн күчүндө калтырган.

Автор: Бекжан Рыскулов

18:30 23-01-2018

Жазылуу

Тектеш кабарлар:

"Өмүрбек Текебаевдин абалы жакшы" деди жубайы Айгүл Текебаева

Текебаев: "Биз бул жолу сот ишти адилеттүү карайт деп ишенип турабыз"

Алмазбек Атамбаев: "Мыйзамды бузуп эле Текебаевди каматтырбай койсом болмок экен деген бир өкүнүч бар"

Наталья Никитенко: "Өмүрбек Текебаевге моралдык кысым болуп жатат"

Жактоочу: "Өмүрбек Текебаев бүгүн ооруканадан колонияга которулат"

Өмүрбек Текебаевдин ден соолугу тууралуу дарыгер эмне дейт?

ЖАМК: "Өмүрбек Текебаевге абакта кысым көрсөтүлүп жатат деген маалымат жалган"

Өмүрбек Текебаев ооруканада текшерүүдөн өтүп, абакка кайтарылды. Жанар Акаев нааразы

"Кыргыз өлкөсүнө акча мүшөктөп кирип, кийин дүйнөгө тарайт". Өмүрбек Текебаев Али Токтакуновдун 700 миллион доллар тууралуу суроосуна дагы эмне деп жооп берди?

Роза Отунбаева Текебаевдин маселеси Жогорку Кеңеште көтөрүлбөй жатканын сынга алды

РУБРИКАДАГЫ СОҢКУ КАБАРЛАР

18:53 2025-05-02 | Түркүн дүйнө

АКШ армиясы Трамптын туулган күнүнө карата аскердик парадга даярдана баштады 1169 0

18:08 2025-05-02 | Коом жана турмуш

Жеңиштин 80 жылдыгына карата өтүүчү парадга даярдыктар жүрүүдө (сүрөт) 1034 0

17:46 2025-05-02 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 3664 0

17:30 2025-05-02 | Коом жана турмуш

Садыр Жапаров Ысык-Көлдөгү жейренди көбөйтүү долбоору менен таанышты (сүрөт) 1171 0

17:14 2025-05-02 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 1848 0

16:58 2025-05-02 | Коом жана турмуш

Бишкекте чет элдик жарандар уюштурган онлайн казино аныкталды 759 0

Архив

Комментарийлер (5)

RusMos76

2018-01-23 18:50:25

Адам олтургондор шарттуу чыгып журушот биринин аркасынан экинчиси ээрчип, акыйкат барбы деги, ден соолугун каратканга зар болуп жатышат адамдар, аттин эч нерсе дей албайсын жолунар болгурлар!!!

Makain

2018-01-23 20:47:13

Турмодо ден Соолугу начарлаган адамдар коп аларды да чыгарып даарылаткыла бир эле текени чыгарбастан

jbolotov

2018-01-23 20:50:47

Батукаевди чыгарып жибергендер качан камалат? Кыргыз элинин депутатын олтурду деп камалган кылмышкер тайрандап Москвада журот, бир машинаны кымбат алган деп Шыкмаматов камалып кетейин деди.

Makain

2018-01-24 06:53:11

jbolotov,кымбат алган эмес сатткан мамлекетке озунун унаасын.

jbolotov

2018-01-24 10:45:59

Makain, Аялынын машинасын озу иштеген мекеменин тендери менен кымбат алган деп куноо койулган болчу.

Комментарий калтыруу үчүн өз ысымыңыз менен кириңиз же каттоодон өтүңүз.