Бишкекте кудуктун ичинен белгисиз адамдын жансыз денеси табылды

Бишкекте кудуктун ичинен белгисиз адамдын жансыз денеси табылды. Бул тууралуу Өзгөчө кырдаалдар министрлигинен билдиришти.

Маалыматка караганда, Достоевский көчөсүндөгү кудуктун ичинен жансыз дене табылганы тууралуу маалымат 13-февралдан 14-февралга караган түнү саат 01:39да келип түшкөн.

"Ал жерге куткаруучулар барышып, жансыз денени милиция кызматкерлерине өткөрүп беришкен", - деп билдиришти ӨКМдан.

Ал эми Бишкек ШИИББинин маалымат кызматы учурда маркумдун аты-жөнү такталып жатканын билдиришти.

Автор: Бактыяр Кыдыралиев