Бишкек ЖЭБинин директору авария тууралуу: "Насос күнөөлүү эмес"

Бүгүн, 16-февралда Бишкек жылуулук электр борборунда Жогорку Кеңештин депутаттык комиссиясынын көчмө жыйыны өтүүдө. Анын жүрүшүндө ЖЭБдин директору Андрей Воропаев өткөн айда болгон аварияны жоюу иштери эмнеге узакка созулганын түшүндүрдү.

"Аварияга насос күнөөлүү эмес. Суунун басымын көрсөткөн жабдууну өз убагында эч ким карабай койгон. Ар бир цехте ыкчам персонал бар. Ар бир цехтин нөөмөт башчысы бар. Ал жабдуулардын иштешин көзөмөлдөөгө түздөн-түз жооптуу. Авария болгон күнү жооптуу болгон адам "баары өз убагында берилген" деп айткан. Бирок суу келгенде анын көлөмү жетишерлик эмес болгон", - деди Воропаев.

Эске салсак, 26-январда кечки саат 6 чамасында Бишкектеги Жылуулук электр борборунун модернизацияланбаган бөлүгүндөгү от казандарда маселе жаралып, суунун температурасы 84 градустан 62 градуска чейин төмөндөгөн. Буга байланыштуу шаардагы үйлөргө берилген жылуулук төмөндөгөн. Орун алган мүчүлүштүктөрдөн улам Бишкектин тургундары 7 күнгө (январь айынан 5 күнгө, ал эми февраль айында 2 күнгө) акча төлөшпөгөнүн "Улуттук энергетикалык холдинг" компаниясынын басма сөз кызматынан кабарлашкан. Ошондой эле Башкы прокуратура ЖЭБдеги авария боюнча "шалаакылык" беренеси боюнча кылмыш ишин козгоп, ЖЭБдин башчысы Нурлан Өмүркул уулу кызматынан кеткен . Анын ордуна Андрей Воропаев дайындалган.

Кечээ Бишкек Жылуулук электр борборундагы авариянын себептерин аныктоо боюнча мекемелер аралык комиссия иликтөөнүн алдын ала жыйынтыгын чыгарганы белгилүү болгон. Ага ылайык, авариянын алдын ала себептери төмөнкүдөй:

- аварияны жоюуда ыкчам тобунун кызматкерлеринин макулдашылбаган аракеттери,

- жабдууга суунун жетишсиздиги,

- имараттардын күзгү-кышкы мезгилге даярдалбагандыгы,

- 3-блокту иштетүүнүн кечиктирилгени.

Автор: Мунарбек Жоргомов
Фото: Мунарбек Жоргомов

11:57 16-02-2018

Жазылуу

Тектеш кабарлар:

Мэр Албек Ибраимов: "Отставкага кетүүмө негиз жок"

ЖЭБ: "Абал турукташты. Суунун орточо температурасы 60 градус, жылытууну дагы жогорулатабыз"

Бишкек ЖЭБдеги авария боюнча козголгон кылмыш ишин тергөө УКМКнын башкы тергөө башкармалыгына жүктөлдү

ЭЛДИК КАБАР: "Бишкекте жылуулук бериле баштады деген куру кеп, чындыгында жылуулук бериле элек" дешет окурмандар

"Улуттук энергетикалык холдингдин" өкүлү Бишкек жылуулук менен качан толук камсыз боло турганын так айткан жок

Сапар Исаков ЖЭБдеги абал менен таанышып, кыштын күнүндө мындай кырдаалга жол бергендер жазасын алышы керектигин айтты

Саламаттыкты сактоо министри: "Ооруканаларда жетиштүү түрдө жылуулук сакталууда"

УКМК Бишкек ЖЭБиндеги авариялык абал боюнча иликтөө жүргүзүп жатат

Бишкек ЖЭБдин директору: "Жылуулук берүүнү калыбына келтирүү үчүн 40 адам иштеп жатат"

Бишкек ЖЭБи: "Январда шаардыктарга берилген жылуулуктун температурасы жогору болгондуктан төлөмдүн суммасы көп болот"

РУБРИКАДАГЫ СОҢКУ КАБАРЛАР

14:34 2025-05-01 | Түркүн дүйнө

Бразилияда дүйнөдөгү эң кары адам каза болду 211 0

14:24 2025-05-01 | Супер-Инфо

Эсенгелди Жумакунов: «Занзибар аралынын тамак-ашына көнө элекмин» 74 0

14:12 2025-05-01 | Коом жана турмуш

Бүгүнкү майрамга карата "Ала-Арча" сейил багына кирүү акысыз болот 112 0

13:44 2025-05-01 | Кылмыштар, кырсыктар

Бишкекте тергөөчү пара алууга шектелип кармалды 272 0

13:30 2025-05-01 | Коом жана турмуш

"Бул өлкөдө Кыргызстандын балы өтө жогору бааланат" дейт Жапонияда эмгектенип жүргөн Гүлдаана 2866 0

13:27 2025-05-01 | Коом жана турмуш

“Саякаттайлы, Кыргызстан жөнүндө айталы”. Араб өлкөлөрүндө жашап келген Арстанбек менен маек 841 0

Архив

Комментарийлер (9)

dosym

2018-02-16 12:24:55

Чернобыльдагы авария да ушундай болгон,

futboler

2018-02-16 12:29:35

Урматтуу насос, уялбай эле кой, сен күнөөлүү эмес экенсиң

ruslanz

2018-02-16 19:16:20

futboler,Насостун тили болгондо киши эмес экенсинер деп айтмак турбайбы.

kokboru

2018-02-16 12:48:27

Эсен эле болгулачы ей ХХХХ.
Жээнбеков элди ойлоң,элдин ишеничин актаң.Акыраттен коркуң,коррупция менен күрөшүң,тарыхта чоң тамга менен жазылатурган ак өлкө башчыга айланың,Атамбай акмактан коркпоң,элди ойлосоңуз,эл сиз менен болот

jbolotov

2018-02-16 13:31:57

Комиссиянын бутуму эптеп адамдар карабай койгон деп адамдык факторго оодарышыптырда. Насос казан десе анда модернизация болду беле насостор, кайсы жагы болгон болбогону билинип калмак. Бул жерде ото чон коррупция бар, керек болсо коммисиягада указания же пара берилсе керек ушинтип суйлогуло деп.

gordaya

2018-02-16 15:37:08

Атамбаев жок дегенде балп этчу эле, Жээнбеков былк этпейт го

NURSAPAR

2018-02-16 17:10:49

Жооок насосто эч күнөө жооооок, балким күнөө Бакиевде болуп жүрбөсүн, чүшшшш.....

ruslanz

2018-02-16 19:15:05

С Исаков айткан ЖК-да насостун ичине ылай толуп калыптыр деп.

suban78

2018-02-16 21:19:43

Акаев кылган бош керек

Комментарий калтыруу үчүн өз ысымыңыз менен кириңиз же каттоодон өтүңүз.