Адахан Мадумаров Тогуз-Тородогу комбинаттын өрттөлүшүнө Жогорку Кеңеш менен өкмөттү күнөөлөдү

"Бүтүн Кыргызстан" партиясынын лидери Адахан Мадумаров бүгүн, 12-апрелде өткөргөн маалымат жыйынында Тогуз-Торо районундагы комбинаттын өрттөлүшүнө Жогорку Кеңеш менен өкмөттү күнөөлөдү. Анын пикиринде, район тургундары буга чейин митингге чыгып жатканда өкмөт алардын үнүн угушу керек эле.

"Булар кокусунан түн ичинде келип каракчылык менен өрттөгөн жери жок. Ушул мезгилге чейин эл нечен жолу кайрылып, митингге чыгып жатты. Азыр маалымат булактарынан окуп калдым, Жогорку Кеңеш өкмөт башчы Сапар Исаковго ошол деңгээлге жеткирген азаматтарды жоопко тартуу боюнча тапшырма бериптир. Кайсы мамлекетте жашап жатасыңар? Биринчи кезекте жоопкер - Жогорку Кеңеш өзү. Эмне үчүн эл чырылдап чыгып жатканда ошол жерге барышкан жок, эмне үчүн комиссия түзүшкөн жок. Эмне үчүн өкмөт башчы же орун басарлары элге барып түшүндүрүү иштерин жүргүзгөн жок? Кадамжай эли үлгү көрсөттү го. Шамби-Сай алтын казуу жайына эл каршы чыгып чогулду. Маселе чечилди. Тогуз-Торо эли да ушундай кылып митингге чыгып жатты. Жогорку Кеңешиң да, өкмөтүң да унчукпай койгондуктан, мындай жол менен көңүл бурдурууга мажбур болушту. Элдин кымындай да күнөөсү жок. Облус жетекчисинин, өкмөттөгү жооптуу адамдардын элге барбай койгондугу үчүн өздөрүн жоопко тартуу керек. Тойго же лента кескенге чакырса барышмак", - деди Мадумаров.

Белгилей кетсек, буга чейин Тогуз-Тородо миңден ашуун адамдын катышуусунда митинг болгон. Алар аймактагы алтын ылгоочу комбинаттын курулушу токтотулуусун талап кылышкан. Митингдин жүрүшүндө алтын ылгоочу комбинаттын имараты өрттөлүп, ыргытылган таштан 3 милиция кызматкери жана жергиликтүү тургун жаракат алып, ооруканага кайрылган. Кийин бул окуяга байланыштуу райондун акими кызматынан алынган.

Автор: Жамалидин Парманкулов

18:25 12-04-2018

Жазылуу

РУБРИКАДАГЫ СОҢКУ КАБАРЛАР

15:22 2025-07-02 | Саясат

Садыр Жапаровдун учагы Москванын аэропортуна конду. Ким тосуп алды? 500 0

15:21 2025-07-02 | Саясат

Кыргыздын Грузиядагы элчиси болуп Максат Мамытканов дайындалды 260 0

15:08 2025-07-02 | Кылмыштар, кырсыктар

Кыргыз-тажик жаңжалында коротулган деген шылтоо менен курал сатууну көздөгөн топ аныкталды (видео) 583 0

15:03 2025-07-02 | Бизнес-Инфо

Термометрлер чектен чыгып жатканда, О! операторунда – үй-бүлөлүк тарифке минус 25%! 104 0

15:02 2025-07-02 | Түркүн дүйнө

BTS армиядан кайтып келип, дүйнөлүк турга даярданууда 285 0

15:00 2025-07-02 | Бизнес-Инфо

Жайында тез интернеттен ырахат алыңыз: Beeline тармагын өнүктүрүүдө 95 0

Архив

Комментарийлер (14)

zhaku2017

2018-04-12 18:47:42

Оозу жаман элди булгайт, өтүгү жаман төрдү булгайт болуп, ушул бечара оозу менен орок оргонду токтотпой койду. Озуна келгенин оттой берет.

-15

Jarma

2018-04-12 19:04:00

zhaku2017, Убагында ушул Мадумаровдун кеп-кенештерин угуп-аткарып койгондо бугункудой мышык ыйлаарлык акыбалга келбейт элек. Алысты коро албагандардын айынан,эл бузукуларынын айынан,озумчулдордун айынан бугун тупике кадалып отурабыз.Мадумаровдун мамлекет учун дагы деле болсо ото коп жакшы иштерди жасаш колунан келет.Жээнбеков айланасына Мадумаров,Жапаров сыяктуу алысты коро билген,эл учун жанын бергенге даяр инсандарды чогултса зыянын корбойт эле.Эл деле ошону каалайт.

+16

pat12

2018-04-12 18:55:19

Жумурткадан кыр издеген кудай болуп алдыго озунчо эле. Элге акыл уйротуп, моралист болуп. Калп мекенчил патриот болуп.

-7

modem4999

2018-04-12 18:55:29

Ушуну айтайын деп маалымат жыйын откоруптурбу?

-10

Bolotbek7404

2018-04-12 19:00:07

Адахан Мадумаров эң туура айтты. Майдан эли Шамбесайга каршы митинг өткөргөндө жалгыз ушул жигит элдин сөзүн укканы келген.Бийлик өкүлдөрү болсо 100дөй адам чогулду деп ЖМК аркылуу терс маал.берген. Кыргызга күйгөн ушундай жигиттерди колдойлу!!

+17

nur82

2018-04-12 19:10:45

Адахан мырза дайыма элди кагып-силкип,тенине албай орой суйлойт.Озунун кылган ишинен пайда жок 20жылдан ашса да.Тим эле тоону томкоруп койгонсуп,элди кекетип суйлогонун токтотсо болмок.Керек болсо озу туулуп оскон айылы да Мадумаровго нааразы.Оз айылына жакшылык кылбаган адам Кыргызстанга кантип жакшылык кылсын.Мадумаровдун ширин создоруно алданып,ишенген фанаттарынан алдын ала кечирим сурайм.

-18

pat12

2018-04-12 20:28:49

Отуруп алып оздоруно + басып башкасына - басып, ушинтип эле - + басып койсок эле атак данктары которулуп кетчудой болушуп, силердин плюс минусунардан элдин ою озгоруп кетпейт.

-13

Dalil

2018-04-12 20:49:35

pat12, ХХХХХХХХХХХ Мадумаров чындыкты бетке айткан инсан. Мадумаровду талкууга алуудан мурда анын деңгээлине жетип алуу керек.

+10

take19

2018-04-12 20:57:03

Акмактар да акыл айтканды жакшы көрүшөт. Мадумаров Бакиевдин убагында жогорку кеңештин төрагасы болуп турганда элге бармак тургай, кошумча акчаларын ала албай жогорку кеңешке жардам сурап барган жүздөгөн мугалимдерге жолукпай, кабыл албай койгон. Бийликтен кеткенден кийин бары эле акылдуу боло беришет.

-7

take19

2018-04-12 21:13:07

Элди козутуп эмне кереги бар эле. Калп эле элдин сөзүн сүйлөмүш болуп саясатта упай топтоюн деген ою да. Мадумаров бийликте болсо митингге чыккандарды четинен каматмак.

-7

Osh3015

2018-04-12 21:14:22

Кыргызстан мамлекети жок болу коркунучунда карыз 4,4 $ млрд долларга жетти.Кытайга алтын кендерди берип койду бийлик.Кумтордон сабак алыш керек бүт алтынды ташып кетти,андан чыккан химиялык калдыктарды кандай сактап жатат, ким кепилдик берет эртең экологиялык катастрофа болбойт деп. Эч ким!!!

Комментарий калтыруу үчүн өз ысымыңыз менен кириңиз же каттоодон өтүңүз.