Тогуз-Торонун тургундары кайрадан митингге чыгышты

Бүгүн, 19-апрелде Тогуз-Торонун тургундары кайрадан митингге чыгышты. Алар камакта жаткан 12 адамды бошотууну талап кылышууда.

Учурда Ак Үйдүн алдында өтүп жаткан митингге 50гө жакын адам чогулган. Алардын ичинен 20 адам бүгүн эртең менен Тогуз-Тородон Бишкек шаарына келген.

Айта кетсек, буга чейин Тогуз-Тородо миңден ашуун адамдын катышуусунда митинг болгон. Алар аймактагы алтын ылгоочу комбинаттын курулушу токтотулуусун талап кылышкан. Митингдин жүрүшүндө алтын ылгоочу комбинаттын имараты өрттөлүп, ыргытылган таштан 3 милиция кызматкери жана жергиликтүү тургун жаракат алып ооруканага кайрылган. Кийин бул окуяга байланыштуу райондун акими кызматынан алынган. Ошондой эле кылмыш иши козголуп, 150дөй адам суракка алынып, 15и Бишкекке алынып келип, камакка алынган. Алардын үчөө аял болсо, биринин эмчектеги баласы бар.

Аларды бошотуу талабы менен эл район борборуна жана Бишкекте митингге чыгышкан. 17-апрелде саат 20:00 чамаларында Биринчи Май райондук соту камакта отургандардын баш коргоо чарасын карап, үч аял жана бир мектеп окуучусун өлкө аймагынан чыкпоого милдеттендирүү менен үйүнө бошотуп, калганын эки айга камакта калтырган.

Автор: Жамалидин Парманкулов
Фото: Жамалидин Парманкулов

13:47 19-04-2018

Жазылуу

РУБРИКАДАГЫ СОҢКУ КАБАРЛАР

20:51 2025-07-04 | Кылмыштар, кырсыктар

Люксенбургдагы жол кырсыгынан каза болгон баланын жакындары акыйкат издейт (видео) 1429 0

19:34 2025-07-04 | Супер-Инфо

Башкы ролу жок, бирок экинчи пландагы актёрлордун жылдызы Ким Вон Хэ 341 0

19:14 2025-07-04 | Түркүн дүйнө

Голливуд актёру Майкл Мэдсен каза болду 1204 0

18:53 2025-07-04 | Коом жана турмуш

Маданият министрлиги актёр Бакыт Мукулдун кайрылуусуна жооп берди 1542 0

18:05 2025-07-04 | Коом жана турмуш

Азербайжандын ЖОЖдоруна документтерди тапшыруу мөөнөтү узартылды 488 0

17:53 2025-07-04 | Супер-Инфо

Азамат Отунчиев, обончу: “Сахнага 6 жашымда Чубак Сатаев алып чыккан” 366 0

Архив

Комментарийлер (3)

zhaku2017

2018-04-19 14:10:36

Элдер өзүн өзү артка тартып жатышат. Аягы келип жумушсуздук, кымбатчылык, жакырчылык.

-4

biku

2018-04-19 15:09:14

Уактылуу жумушсуздук, кымбатчылык, жакырчылык, жойулат, аны бул заводту курбай башка өндүрүштү курса деле болот. Бул жерде Тогуз-Тородо жашаган элдин, кыргыз улутунун тукуму келечек муун тууралу ой жүгүртүшүбүз керек.

Zainidin96

2018-04-19 16:33:22

Бирин олуп бирин кал болуптурда окмот чечпейби ушундай маселелерди

Комментарий калтыруу үчүн өз ысымыңыз менен кириңиз же каттоодон өтүңүз.