Экономикалык кылмыштарга каршы күрөшүү кызматы 120 унааны камакка алды

Өлкөгө мыйзамсыз киргизилген Lexus GX470 үлгүсүндөгү автоунаа кармалды. Бул тууралуу Экономикалык кылмыштарга каршы күрөшүү кызматынын маалымат кызматы билдирди.

Маалыматка караганда, унаа 1-июнь күнү Бишкек шаарынан кармалган. Жылдын башында Ички иштер министрлиги ЕАЭБге кирген өлкөлөрдөн уурдалган 45тен ашык кымбат-баалуу унаалар Кыргыз мамлекетинен табылганын кабарлаган. Бул унаа да ошол коррупциялык схема менен өлкө аймагына киргизилгени маалым болду.

“Текшерүүнүн жыйынтыгында ал өлкөгө жасалма документтер аркылуу 2017-жылы кирип, Каракол шаарында каттоодон өткөнү аныкталган. Ошондой эле кылмышты жаап-жашыруу максатында мамлекеттик тиешелүү органдар да бир нече жолу кайра каттоодон өткөрүлгөн. Аны алып кирүүдөн өлкө казынасына 1 миллион 979 миң сом зыян келтирилген”, - деп жазылат билдирүүдө.

Бул факты боюнча Башкы прокуратура тарабынан Кылмыш-жаза кодексинин 304 (кызмат абалынан кыянаттык менен пайдалануу), 204 (аткезчилик), 350 (документтерди жасоо) беренелери менен кылмыш иши козголуп, тергөө иштери жүрүп жатканы айтылат.

Ошондой эле иликтенип жаткан кылмыш ишинин алкагында 120дан ашык автоунаанын документтери жасалма жол менен жасалганы аныкталып, камакка алынган.

Автор: Сталбек Абдижалил уулу

14:25 12-06-2018

Жазылуу

РУБРИКАДАГЫ СОҢКУ КАБАРЛАР

12:03 2025-06-18 | Кылмыштар, кырсыктар

Чүйдө төрөттөн кийин 36 жаштагы келин каза болду 8 0

11:53 2025-06-18 | Саясат

Депутат энергетикалык суусундуктарга тыюу салууну сунуштады (видео) 58 0

11:42 2025-06-18 | Түркүн дүйнө

Илон Маск баңгизат колдонбогонун тастыктаган тесттин жыйынтыгын жарыялады 154 0

11:34 2025-06-18 | Саясат

Президент: "Эгер депутаттар митингчилерди ээрчигенде Борбор Азияда абал башка нукка түшмөк" (видео) 222 0

11:33 2025-06-18 | Түркүн дүйнө

Трамптын Байденге "окшошуп бара жатканы" айтылууда 332 0

11:20 2025-06-18 | Коом жана турмуш

ӨКМдин куткаруучусу Эл аралык мелдеште 4-орунду алды 82 0

Архив

Комментарийлер (4)

keba300989

2018-06-12 14:32:12

120 дегенделе калганын окугум келбей калдыле

Azatbek.Svoboda.

2018-06-12 14:33:01

Карапайым элди чукулабай бийликтегилерди чукулагыла! Кээчке элдин башын айлантып убакыт өткөрбөй боло турган жумуш кылгыла Убактылуу өкмөттөн баштап азыркы бийликтеги жемкор дардаңдабайларды 120 пайдасыздардын алардын иштерин текшергиле!

jbolotov

2018-06-12 19:31:32

Атамбаевдин ХХХХ, мамлекетибиз учун зыяндуу келишимдердин жемиши ушулар! Жакшынакай машиналар Лексустар бизге алдамканча баа менен келип тушчу, азыркы ЕАЭБ тарифи боюнча Кыргызстан Россиянын мусорлорун алышыбыз керек же издоодо турган Лексустарды ушинтип арзан алып анан юридикалык проблема болуш керек. ГСБЭП эми ойгонгонсуп кармаптырда, угон болгон машиналардын баары жогорку кызматтагыларда экен ошондуктан жабылук аяк жабылуу бойдон калып келаткан.

Dimonbek

2018-06-13 01:22:44

Бул озу миллион 800мин турбайт го

Комментарий калтыруу үчүн өз ысымыңыз менен кириңиз же каттоодон өтүңүз.