Акыйкатчы Кубат Оторбаев кызматынан кетти (өмүр баяны)

Кыргыз мамлекетинин акыйкатчысы Кубат Оторбаев кызматынан кетти. Бул тууралуу SUPER.KG порталына Акыйкатчы институтунун басма сөз кызматынан кабарлашты.

Маалыматка караганда, Кубат Оторбаев кызматынан өз каалоосу менен 26-июнда кетти.

Оторбаевдин кызматтан кетип жатып жасаган кайрылуусу:

"Акыйкатчы катары өз ыйгарым укуктарымды токтотуу чечимине келдим. Ар бир жаран жана мамлекеттик кызматкердин билими жана иш тажрыйбасы башка тармакка керек болгон кез келет, ошол тармакта адам өлкөгө чоң салым кошуусу мүмкүн. Ошондой учур мага да келип олтурат. Бул ойлонулган, таразаланган чечим жана өз эрким менен кабыл алдым.

Мен иштеген 2 жарым жыл аралыгында элдин аярлуу катмарына жөлөк болуп, алардын датын, арманын уктук, юридикалык кеңешибизди бердик, ар кыл жардамдарды көрсөттүк. Сот, прокуратура жана күч органдарынан акыйкаттык таба албаган адамдар бизге кайрылып турушту, аларга көмөк кылып, укуктарын коргоп бердик", - дейт Оторбаев.

Айта кетсек, Кубат Оторбаев президентке кайрылып, Өмүрбек Текебаевге ырайым кылууну жана Карганбек Самаковду актоону суранган.

Оторбаев Кыргыз Республикасынын акыйкатчысы болуп 2015-жылдын 30-декабрында Жогорку Кеңештин депутаттарынын көпчүлүк добушу менен шайланып, бүгүнкү күнгө чейин аталган кызматты ээлеп келген.

Кубат Оторбаев 1972-жылдын 13-сентябрында Нарын облусунун Ат-Башы районунун Казыбек айылында жарык дүйнөгө келген.

Жогорку билимдүү. 1995-жылы Кыргыз улуттук университетинин журналистика факультетин аяктаган.

Эмгек жолу:

1994-2000-жылдары — "Асаба" гезитинин корреспонденти, башкы редактордун орун басары;

2000-жылы — "Кыргыз Руху" гезитинин башкы редактору;

2000-2002-жылдары - Тынчтык жана согушту чагылдыруу боюнча IWPR Британ институтунда стрингер;

2002-2005-жылдары - "Азаттык" радиосу менен Интернет-сайттын корреспонденти жана редактору;

2005-жылы — "Азаттык медиасынын" директору;

2010-жылы — Коомдук телерадио корпорациясынын убактылуу башкы директору;

2010-2014-жылдары — Коомдук телерадио корпорациясынын башкы директору болуп дайындалган.

2015-жылдын 30-декабрынан тарта Кыргыз Республикасынын акыйкатчысы болуп иштеп келе жаткан.

Автор: Бекболсун Молдояр уулу

07:30 27-06-2018

Жазылуу

РУБРИКАДАГЫ СОҢКУ КАБАРЛАР

17:57 2025-07-01 | Коом жана турмуш

Эмгек министрлиги чет өлкөдө ишке орношууда алдамчылык фактылары көбөйгөнүн эскертти 38 0

17:38 2025-07-01 | Бизнес-Инфо

Honor Кыргызстанда жаңы смартфондорун тартуулады: O!Store'до сатуулар башталды 103 0

17:30 2025-07-01 | Түркүн дүйнө

"Мыйзам кабыл алынса". Маск АКШда жаңы саясий партия түзөлөрүн айтты 174 0

17:18 2025-07-01 | Түркүн дүйнө

Түркиянын Бурса шаарында 2 жер титирөө болду 151 0

17:07 2025-07-01 | Түркүн дүйнө

Трамп шайлоодогу жеңиштеринин урматына атыр чыгарганын жарыялады 190 0

16:52 2025-07-01 | Түркүн дүйнө

Кремль Азербайжанда орусиялык журналисттердин кармалышы боюнча комментарий берди 563 0

Архив

Комментарийлер (8)

Mamiev

2018-06-26 18:06:51

Мамлекетте акыйкат болбосо акыйкатчынын эмне кереги бар.Озу да иштегиси келбесе керек да.Акыйкат издеп Текебаев ж.б башкаларды коё беруусун отунгон эле

Nanei

2018-06-26 18:11:09

Туура акыйкат жок,акча бар жерде адилеттик жок бизде

Ailino

2018-06-26 20:33:19

Супер инфо омур баянында: Оторбаевтин юридикалык билими дагы бар экенин да жазбаптырсыздар. Эмнеси болсо да кийинки жашоосуна ийгилик! Олконун онугушуно салым кошо турган саясатта таза адамдардын бири.

Tokmokchu-1

2018-06-26 22:42:33

Ailino, кыйратпады ачыгы... КТРКны жетектеп турганда бийликтин буйругун аткарган бири болуучу, эч кандай мактоого татыксыз бири... Кетип туура кылыптыр...

Avtandil.

2018-06-26 23:02:46

Бир эле суроо: акыйкатчы болсо эмнеге Садыр Жапаровду актоону, эч болбосо ырайым кылууну суранбайт? Текебаевге сураган эмнеге Жапаровго суралбайт?

ulanik

2018-06-27 08:53:10

Баары эле убагында эч кимди тенине алышпайт качан бийликтен кеткенде же камалганда анан мен муну кылгам аны кылгам деп болоор болбос иштерин колкоо кыла башташат как будто бекер иштегенсип ээх саясат.

bars_wire

2018-06-27 10:43:19

Мага да иш козголо электе чызайын деп жатса керек да.

AIZAD

2018-06-27 13:31:22

Толук жазсанар боло омур баянын, жазганга жараша. Ат-башы районунуна караштуу Казыбек айылында торолгон. Калганын айтпай эле коеюн.

Комментарий калтыруу үчүн өз ысымыңыз менен кириңиз же каттоодон өтүңүз.