Кыргыз дзюдочулар Хорватияда өтүүчү эл аралык мелдешке катышат

Дзюдо боюнча Кыргыз курама командасы Хорватияда өтүүчү эл аралык мелдешке катышат. Бул тууралуу SUPER.KG порталына Кыргыз Республикасынын дзюдо федерациясынан билдирди.

Аталган мелдеш 27-29-июль аралыгында Хорватиянын Загреб шаарында өтүп, ага 81 өлкөдөн 573 спортчунун катышуусу күтүлүүдө. Ал эми Кыргыз Республикасынан бул мелдешке 7 спортчу катышат.

Кыргыз курама командасы:

60 килограммга чейинки салмак ченинде: Отар Бестаев;

66 килограммга чейинки салмак ченинде: Артур Тё;

73 килограммга чейинки салмак ченинде: Бектур Рысмамбетов;

81 килограммга чейинки салмак ченинде: Владимир Золоев;

90 килограммга чейинки салмак ченинде: Фарух Булеркулов;

100 килограммдан жогорку салмак ченинде: Юрий Краковецкий жана Бекболот Токтогонов;

Башкы машыктыруучу: Сергей Мистрюков.

Автор: Нурсултан Нурболот уулу