Актёр И Бёң Хондун 9 жылдан кийин тартылган сериалы корей элинин сынына кабылды

"Күн мырза" сериалынан кадрлар

Белгилүү корей актёру И Бёң Хон тартылган жана учурда Түштүк Кореяда көрсөтүлүп жаткан “Күн мырза” сериалы аталган өлкөнүн тургундары тарабынан сынга кабылууда. “Күн мырза” сериалында корей маданияты артта калгандай чагылдырылып, андан тышкары япондордун мыкаачылыгы жетиштүү деңгээлде ырайымсыз болбой калган” дешүүдө.

Мындай пикирди билдирип жаткан көрүүчүлөр көп болуп жаткандыктан, сериалды тартып жаткан топ жооп таратты. “Сиздерди адаштырып жатканыбыз үчүн кечирим сурайбыз, бирок сериалдагы максатыбыз Японияны мактоо эмес экендигин билдиргибиз келет”, - деп анда жазылат.

Аталган сериалдын сценаристи – Ким Ын Сук. Ал буга чейин Түштүк Кореяда жана чет өлкөлөрдө да популярдуу болгон “Токкэби”, “Күндүн мураскерлери”, “Мураскерлер”, “Жашыруун бак” сериалдарынын да сценарийин жазган. “Күн мырза” сериалы 24 бөлүктөн турат, анын 6-сериясы гана көрсөтүлгөнүнө карабай, башынан тартып эле рейтинг жаратууда.

“Күн мырза” корей телеберүүсүндөгү эң масштабдуу жана эң кымбат долбоорлордун тизмесине кирери айтылып келет. Аталган сериалга коротулган каражаттын көлөмү 40 миллион долларга чукул дешүүдө. Бир эле И Бёң Хон ар бир серия үчүн 134 миң доллар, баш-аягы жалпы 3 миллион доллардан ашуун гонорар алары тууралуу маалымат тараган.

Сериалдын сюжетинде япон оккупациясына чейинки Кореянын 1900-жылдардын башындагы мезгили чагылдырылат. И Бёң Хон корей тектүү АКШнын аскеринин ролун жаратып, ал туулган мекенине кайтканда ак сөөк кызды жактырып калгандыгы баяндалат. Кореянын көз карандысыз болуусу үчүн күрөшкөн ак сөөк кыздын ролун дагы бир белгилүү корей актрисасы Ким Тэ-Ри аткарган.

Маалымат үчүн: И Бёң Хон сериал тартуу аянтчасына 9 жылдан кийин кайтып келди. Анын буга чейинки акыркы тартылган “Айрис” сериалы 2009-жылы чыккан.

Автор: Эльвира Караева

19:08 24-07-2018

Жазылуу

РУБРИКАДАГЫ СОҢКУ КАБАРЛАР

23:40 2025-05-08 | Түркүн дүйнө

Жаңы Рим папасы шайланды 1040 0

22:56 2025-05-08 | Саясат

Садыр Жапаров Жеңиш парадына катышуу үчүн Москвага барды 1156 0

18:29 2025-05-08 | Маданият, шоу-бизнес

Рэпер Улукманапо кырк жылкылуу болду 940 0

18:25 2025-05-08 | Түркүн дүйнө

Молдовада депутаттар жыйынга баатырлардын портреттери менен келишти 1180 0

18:09 2025-05-08 | Түркүн дүйнө

Москвада Путин менен Си Цзиньпин жолугушту 1408 0

17:42 2025-05-08 | Спорт

Намангандагы велоспорт мелдешинде кыргызстандык команда медаль утту 690 0

Архив

Комментарийлер (4)

Jyldyz16

2018-07-24 19:22:16

Ким Тэ Ри,ни окуп буткучо эле Ким Тэ Хи деп суйунуп алыпмын

Potriot.KGstan

2018-07-24 19:37:56

Кимина доско...

monster_high_98

2018-07-24 19:39:36

Мына элдер ушинтип эле тарыхый кинолорун тартып отуруп,жаштарына улгу болот,а биздин жаштардан тарыхты сурасак билбейт,китепке кызыгуусу жок болуп калган,бирок ушундай тарыхый сериялдарды тартсак балким кабардар болмокпуз,Курманжан Датка менен чектелбей!

Aima94

2018-07-25 15:56:55

Ким Тхэ Ри актриса

Комментарий калтыруу үчүн өз ысымыңыз менен кириңиз же каттоодон өтүңүз.