Нарында өткөн кулатуу эр таймашы боюнча мелдештин жеңүүчүлөрү белгилүү болду

4-августта Нарын шаарынын борбордук стадионунда Дүйнөлүк кулатуу эр таймаш федерациясынын "WEF PROFFIGHT 24" мелдеши өткөн. Мелдештин алкагында 19 беттеш орун алып, анда Кыргыз, Тажик жана Өзбек мушкерлери күч сынашты.

Кеченин негизги беттешинде "WEF PROFFIGHT'тын" чемпиондук куру ойнотулуп, анда кыргыз мушкери Нургазы Балтабаев менен өзбекстандык Санжар Эркинов кез келди. Мушкерлер 77 килограмм салмак ченинде мушташып, Балтабаев 1-раундда эле жеңишке жете алды. Ал беттештин 50-секундасында атаандашын муунтуу ыкмасына алып жеңишке жетти.

Айта кетсек, бул мелдеш Нарын облусу боюнча Кулатуу эр таймаш федерациясынын президенти Жыргалбек Турускуловдун демилгеси менен уюштурулган.

"WEF PROFFIGHT 24" мелдешинин жеңүүчүлөрүнүн тизмеси:

57 килограмм салмак ченинде:
- Акылбек Марсбек уулу, Акылбек Сүйүнбек уулу, Умижон Мамажанов (Өзбекстан);
60 килограмм салмак ченинде:
- Ильгиз Романов;
61 килограмм салмак ченинде:
- Манас Таштанбеков;
66 килограмм салмак ченинде:
- Сайтиев Баймурат, Курмандар Кылычбек уулу, Кайрат Нурбай уулу, Максат Акмолдаев, Дильшод Юсупов (Тажикстан), Рустам Жабаров (Тажикстан);
70 килограмм салмак ченинде:
- Умар Сүйүнов;
77 килограмм салмак ченинде:
- Айдарбек Айдынбек уулу, Моминжон Мамажанов;
84 килограмм салмак ченинде:
- Адис Таалайбек уулу;
93 килограмм салмак ченинде:
- Кубанычбек Токтомуратов, Бексултан Өмүрзаков, Узак Садырбек уулу;