Футбол боюнча Кыргыз курама командасы дүйнөлүк рейтингде 92-орунду сактап калды

Футбол боюнча Кыргыз курама командасы дүйнөлүк рейтингде 92-орунду сактап калды. Бул тууралуу эл аралык футбол федерациясы маалымдады.

Маалыматка ылайык, жаңы тизме бүгүн, 16-августта жарыяланган. Кыргыз курамасы Дүйнө чемпиондугунан соң 92-орунда. Буга чейин "Ак-Шумкарлар" май айында дүйнөлүк рейтингде 75-орунду ээлеген.

Жаңы тизмеде айдын мыкты командасы деп Орусия курамасы табылды. Алар 21 тепкичке көтөрүлүп 49-орунга жайгашты. Ал эми эң начар көрсөткүчтү Египет курамасы көрсөтүп, 20 баскычка түшүп 65-орунга жайгашты.

2019-жылы орун алуучу Азия биринчилигиндеги Кыргыз курамасынын каршылаштары төмөнкүдөй орундарга жайгашты: Түштүк Корея 57, Кытай 75 жана Филиппин курамасы 115-орунга жайгашкан.

Алдыңкы ондук төмөнкүдөй:

1-орун: Франция;

2-орун: Бельгия;

3-орун: Бразилия;

4-орун: Хорватия;

5-орун: Уругвай;

6-орун: Англия;

7-орун: Португалия;

8-орун: Швейцария;

9-орун: Испания;

9-орун: Дания.

Автор: Нурсултан Нурболот уулу
Фото: Нурсултан Нурболот уулу