Индонезияда өткөн Жайкы Азия оюндарында ийгилик жараткан балбандар Кыргыз өлкөсүнө кайтып келишти

Машыктыруучу Нурбек Изабеков

Айсулуу Тыныбекова

Амантур Исмаилов

Үзүр Жусупбеков

Машыктыруучу Азат Эркимбаев

Магомед Мусаев

Айпери Медет кызы жана Мээрим Жуманазарова

Айсулуу Тыныбекова

Акжол Махмудов

24-августта Индонезиядагы Жайкы Азия оюндарына катышып ийгилик жараткан балбандар кайтып келишти. Анда 100гө жакын күйөрман Аламүдүн районундагы "Ак-Жол" көзөмөл-өткөрүү пунктунан кыргыз балбандарды тосуп алышты.

Жайкы Азия оюндарында күрөш боюнча мелдеште жалпы 13 спортчу катышкан, грек-рим күрөшү боюнча курамада 6 спортчу, эркин күрөш боюнча курамада 4 спортчу жана кыз-келиндер арасындагы мелдеште 3 спортчу катышкан.

Грек-рим күрөшү боюнча балбандар 2 күмүш жана 2 коло медаль утуп алышты. Күмүш медалдарга Каныбек Жолчубеков менен Акжол Махмудов татыса, Амантур Исмаилов менен Үзүр Жусупбеков коло медалдарга ээ болду. Ошондой эле Самат Шырдаков 7-орунга жана Мурат Рамонов 12-орунга ээ болду.

Эркин күрөш боюнча мелдеште Кыргыз өлкөсүнөн Магомед Мусаев күмүш медалга ээ болду. Ал эми Алигажи Гамидгажиев 5-орунду, Алибек Осмонов 7-орунду жана Алмаз Сманбеков 12-орунду ээледи.

Кыз-келиндер арасындагы мелдеште Кыргыз өлкөсүнөн Айсулуу Тыныбекова күмүш медалды, Мээрим Жуманазарова менен Айпери Медет кызы коло медалдарды тагынышты.