ЭЛДИК КАБАР: "Ажырашкан күйөөмдүн ата-энеси балдарымдын күбөлүгүн бербей, алимент чыгарта албай жатам" дейт 4 баланын энеси

SUPER.KG порталынын "Элдик кабар" бөлүмүнө 4 баланын энеси кайрылып, турмуш-тиричиликтен кыйналып жатканын айтты. Анын билдирүүсүнө ылайык, учурда 2 баласы кийим-кеченин жана документтеринин жок экенинен улам мектепке бара албай жатат.

"Мен Ош облусунан Бишкектин "Дордой" базары жакка келип жашап калдым. Батирге акча төлөйм. Өзүм талаа жумуштарына чыгып, күнүмдүк тамак-ашка жетер-жетпес акча таап келем. Кичүү балам 2 жашка чыга элек. Аны улуу балдарыма таштайм.

Эки жолу турмушка чыгып, эки турмушумдан тең ажырашкам. Биринчи жолдошум менен 2 балалуу, экинчи турмушумдан 2 балалуу болгом. Азыр 2 күйөөм тең балдарды багууга жардам бербейт, чалып жардам сураган күндөрүм да болду. Бирок эч кандай жакшы жооп уга алган жокмун.

2 күйөөм менен тең жарандык абалдын актысынан каттоодон өткөн эмеспиз. Ажырашкандан кийин алимент төлөтөйүн десем, балдарымдын туулгандыгы тууралуу күбөлүктөрү да жок. Улуу балдарымдын күбөлүгүн чоң энеси бербей жүрүп, акыры мектепке керек болордо бере турган болду. 2 кичүү баламдын күбөлүгүн чоң энеси атайылап эле бербей жатат. Сурай берип акыры өзүм да чарчадым. Канткенде балдарыма алимент чыгарта алам?" - дейт жалгыз бой эне.

Урматтуу окурман, эгер сиз да ушул сыяктуу турмуштагы өзгөчө көрүнүшкө, коомдогу маданий, спорттук иш-чарага, жаратылыш кубулуштарына, жол кырсыгына, акция же митингдерге күбө болсоңуз, тезинен сүрөткө, видеого тартып, дүйнө жүзү менен бөлүшүңүз. Интернет ааламы, тагыраак айтканда, SUPER.KG жаңылыгыңызды заматта өлкөбүзгө, Жер жүзүндөгү мекендештерге жеткирет. Алар көрүп, окуп, сиздин кабарыңызга үн кошушат.

Сиз жаңылыкты кыскача баяндап Telegram же WhatsApp аркылуу +996 779 47-39-39 номерине жибериңиз. Ушул эле кызмат (приложение) аркылуу кабардын аудиосун, видеосун, сүрөтүн да жөнөтсөӊүз болот. Кабар саналуу мүнөттөрдүн ичинде порталыбыздын "Соңку кабар" бөлүмүнө чыгат.

Автор: Кызжибек Раимова

16:46 06-09-2018

Жазылуу

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 111 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 556 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 689 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 288 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 417 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 700 0

Архив

Комментарийлер (10)

Artyr1994

2018-09-06 17:34:01

Эгерде юридикалык жардамга муктаж адамдар болсо кайрылыныздар!
Ватсап0777535340-Султан Токтосунович

mahabat.

2018-09-08 04:54:42

Artyr1994,нанга акчасы араң жетип атса,сизге төлөй албаса керек

Mazi1280

2018-09-06 17:48:18

Келиндин абалын тушунуп адвокат, юристтер жардам берип койгула, эки куйоосу тен оз балдарына жардам берсин, кыйын эле жалгыз бой 4 баланы ушул заманда багыш

Mazi1280

2018-09-06 17:49:21

Адвокаттар озунор эле чалып жардам берип койгула соопчулукка

Artyr1994

2018-09-06 17:51:56

Урматтуу админ жгер ушул каармандын номери болсо личкама жоонотуп коё аласынызбы? Колдон келген юридикалык жардамыбызды берип коёлук

Кызжибек Раимова

2018-09-06 17:54:24

0700269131

ikitaidesu

2018-09-06 20:20:06

Чындап эле кыйын абалда жүрөт экен. Бирок неге эки бала бар туруп экинчи жолу турмушка чыгат эч түшүнбөйм. Биринчи турмуш сабак болгон жокпу? Болгондо да ЗАГС албай жашап жүргөнү таң калтырат.
Аял заты өзүбүзгө тың бололу. Балдардын көзүн жалдыратып экинчи жолу турмуш куруунун кереги жок.

talaa11

2018-09-06 21:09:04

Куболукту бербей койууга эч акысы жок. Адвокат жалдап торт баланызга тен алимент чыгартсаныз болот

Matahara1980

2018-09-07 05:19:21

Алиментен качкан акмак аталарга жаза колдонулса жакшы болмок эле, кантип балдарын ач калтырып жер бетинде басып журушот ее намысы жоктор

tynara81

2018-09-07 17:14:08

Эки кайненеси тең бирдей жол колдонуптурбу ээ, алимент төлөөдөн качып күбөлүгүн бербей.

Комментарий калтыруу үчүн өз ысымыңыз менен кириңиз же каттоодон өтүңүз.