super.kg logo
  Саясат  

Президенттин Жогорку Кеңештеги мурдагы өкүлү Молдакун Абдылдаев акыйкатчы кызматына талапкерлигин көрсөттү

 

Президенттин Жогорку Кеңештеги мурдагы өкүлү Молдакун Абдылдаев акыйкатчы кызматына талапкерлигин көрсөттү. Бул тууралуу бүгүн, 7-сентябрда SUPER.KG порталына "Кыргызстан" фракциясынын лидери Алмазбек Баатырбеков билдирди.

Баатырбековдун айтымында, аталган кызматка талапкерлигин көрсөтүү үчүн 5 адам документин тапшырган. "Бул кызматка бир фракция 3 талапкер сунуштаса болот. Учурда 5 адам документтерин тапшырышты. Алар Молдакун Абдылдаев, Рита Карасартова, Канат Тургунбеков жана эки талапкер бар болчу кимдер экени эсимде жок. Келе жаткан аптада фракциянын депутаттары чогулуп, бул маселе каралышы мүмкүн. Азырынча талапкерлер боюнча кеңешүү өткөрө элекпиз", - деди Баатырбеков.

Молдакун Абдылдаев 2014-жылдан 2018-жылга чейин президенттин Жогорку Кеңештеги ыйгарым укуктуу өкүлү болуп иштеп келген.

"Ата Мекен" фракциясы акыйкатчы кызматына Канатбек Азизди көрсөтө турганы белгилүү болгон.

Аталган кызматта Кубат Оторбаев 2015-жылдын 30-декабрынан тарта иштеп келген. Ал 26-июнда өз каалоосу менен кызматтан кетүү боюнча арыз жазган. Анын арызын Жогорку Кеңеш 27-июнда кабыл алган.



 
 Рубрикадагы соңку кабарлар 

Урматтуу колдонуучу! Эгер сизде коомчулуктун көңүлүн буруп, талкууну талап кылган жаңылыгыӊыз болсо биз менен бөлүшүӊүз.
Рейтинг: Рейтинг 0 
Талкуу жабык.
 
Бөлүмдүн статистикасы
соңку 15 мүнөт ичинде 0 колдонуучу (Катталган: 0, коноктор: 0) бул кабарды окуду:

Кабарлардын саны:
118014;
 
Маалымат-маанайшат порталы
2006-2018 © SUPER.KG
Кыргыз Республикасы, Бишкек шаары,
Күрөӊкеев көчөсү - 180
SUPER.KG порталына жайгаштырылган материалдар жеке колдонууда гана уруксат.
Жалпыга таратуу SUPER.KG порталынын редакциясынын жазуу түрүндөгү уруксаты менен гана болушу мүмкүн.
Рейтинг@Mail.ru
Биз социалдык тармактарда: