Улуу жазуучу Чыңгыз Айтматовдун архивдеги сүрөттөрү

Бүгүн, 5-октябрда "Ала-Арча" резиденциясында улуу жазуучу Чыңгыз Айтматовдун 90 жылдыгына карата III эл аралык Ысык-Көл форуму өтүп жатат. Форум "Чыңгыз Айтматов жана доор чакырыктары" деп аталат.
Ага 25 өлкөдөн 150 ашык конок чакырылып, сөз сүйлөшүүдө. Ошондой эле форум өтүп жаткан залга жазуучунун архивдик сүрөттөрү көргөзмөгө коюлду.

Президент Сооронбай Жээнбеков анда сүйлөгөн сөзүндө Чыңгыз Айтматов демилгелеген Ысык-Көл форуму дүйнөлүк аренада түзүлгөн ошол мезгилдин чакырыктарына жаӊычыл жооп сунуштаганын айтты.

"Форумда маселени чечүү жолдору - экономикада, технологияда же саясатта эмес, адамдардын аӊ сезимин өзгөртүүдө экенин ырастаган. Адамзатты глобалдык капсалаңдан сактап калуу үчүн ар кайсы маданиятка таандык болгон, түрдүү диний ишенимди тутунган, башка дүйнө таанымды алып жүргөн инсандар жаңыча ой-жүгүртүүсү зарыл экенин далилдеген. Цивилизациялык, улуттук айырмачылыктарына карабай, бирдиктүү аракеттенүү жана жаӊычыл ойлонуу менен гана адамзат өзүн сактап каларын тастыктаган.
Кийин Айтматов өзү жазгандай, биринчи Ысык-Көл форумун өткөрүү орду - Борбордук Азия - глобалдуу проблемаларды талкуулоого абдан ылайыктуу мейкиндик деп табылган.
Анткени бул регион - ар кандай цивилизациялардын, улуттардын, диндердин, маданияттардын айкалышы орун алган дүйнө жүзүндө өтө сейрек кездешчү чөлкөм. Тарыхтын ар кайсы мезгилинде, Борбордук Азияда рим, түрк, иран, грек, араб, кытай цивилизациялары жайылган. Бул аймак фанатизм эмес, эркин ой жүгүртүүнүн мейкиндиги болгон.

Борбор Азиянын байыркы салтын улап, Кыргыз жергесинде өткөн I Ысык-Көл форуму - тарыхты, учурду жана келечекти түшүнүүнү жаӊы деӊгээлге чыгарды десек болот.
Ошондо жаӊы планетардык ойлонууга өбөлгө болгон кереметтүү жерибиздин ушул касиети бүгүн дагы бир жолу жанданат деп ишенем", - деп айтты Жээнбеков.

Автор: Жамалидин Парманкулов
Фото: Жамалидин Парманкулов

16:11 05-10-2018

Жазылуу

РУБРИКАДАГЫ СОҢКУ КАБАРЛАР

20:51 2025-07-04 | Кылмыштар, кырсыктар

Люксенбургдагы жол кырсыгынан каза болгон баланын жакындары акыйкат издейт (видео) 1310 0

19:34 2025-07-04 | Супер-Инфо

Башкы ролу жок, бирок экинчи пландагы актёрлордун жылдызы Ким Вон Хэ 296 0

19:14 2025-07-04 | Түркүн дүйнө

Голливуд актёру Майкл Мэдсен каза болду 1139 0

18:53 2025-07-04 | Коом жана турмуш

Маданият министрлиги актёр Бакыт Мукулдун кайрылуусуна жооп берди 1453 0

18:05 2025-07-04 | Коом жана турмуш

Азербайжандын ЖОЖдоруна документтерди тапшыруу мөөнөтү узартылды 448 0

17:53 2025-07-04 | Супер-Инфо

Азамат Отунчиев, обончу: “Сахнага 6 жашымда Чубак Сатаев алып чыккан” 330 0

Архив

Комментарийлер (3)

rysik79

2018-10-05 16:46:48

Чыкем залкар жана улуу жазуучу!

Mavlyuda

2018-10-05 17:19:14

Сыймыгыбыз!!!!!!!!!!

iryi1

2018-10-05 18:38:10

Бугунку кыргыз элинин пайгамбары деп атасак болот. Корунгон арабчыл фанат молдолордун созун ээрчибей, Айтматовго окшогон ойчул, даанышман адамдардын созуно маани берип жашасак.

-7

Комментарий калтыруу үчүн өз ысымыңыз менен кириңиз же каттоодон өтүңүз.