ЖЭБдеги кырсыкка байланыштуу айыпталып жаткандар күнөөсүз экенин айтышты

Бүгүн, 15-ноябрда Бишкектин Биринчи Май райондук сотунда Бишкек ЖЭБдеги кырсыкка байланыштуу козголгон кылмыш иштердин бирин кароо уланууда. Ишти судья Эмилбек Кайыпов карап жатат.

Сотто мамлекеттик айыптоочу "Электр станциялары" ишканасынын жетекчисинин мурдагы орун басары Бердибек Боркоев, “Электр станцияларынын” мурдагы директору Узак Кыдырбаев, ЖЭБди модернизациялоо долбоорунун аткаруучу директору Темирлан Бримкулов, Бишкек ЖЭБинин мурдагы директору Нурлан Өмүркул уулу жана жылуулук борбордун мурдагы башкы инженери Нургазы Курманбековдун айыбын угузду. Буга чейинки отурумда "Улуттук энергетикалык холдингдин" мурдагы жетекчиси Айбек Калиев менен анын биринчи орун басары Нурлан Садыковдун айыбын угузган.

Аты аталгандарга Кылмыш-жаза кодексинин 221-беренеси (коммерциялык уюмдарда иштегендердин кызмат абалынан кыянаттык менен пайдаланышы) менен козголгон кылмыш иштин негизинде айып тагылууда. Бирок соттун жүрүшүндө баары күнөөсүз экенин айтышты. Алардын бири Айбек Калиев "тагылып жаткан айып толугу менен жасалма, күнөөм жок" деп айтты.

Ушул жылдын 26-январында Бишкек ЖЭБинде өндүрүштүк кырсык болуп, шаардагы үйлөргө берилген жылуулук 7 күнгө төмөндөгөн. Андан кийин ЖЭБди жаңылоого Кытайдан алынган 386 миллион доллар насыя туура эмес пайдаланганы ачыкка чыгып, 4 кылмыш иши козголгон. Анын негизинде энергетика тармагындагы ишканалардын жетекчилеринен тышкары мурдагы өкмөт башчылар Жантөрө Сатыбалдиев, Сапар Исаков, депутат Осмонбек Артыкбаев кармалган. Алар учурда УКМКнын тергөө абагында.

Автор: Жамалидин Парманкулов
Фото: Жамалидин Парманкулов

16:07 15-11-2018

Жазылуу

Тектеш кабарлар:

УКМК "Электр станциялары" ишканасынын техникалык директору Алмаз Жусупбековду кармады

ЖЭБ соту: Мамлекеттик айыптоочу: "ЖЭБ боюнча отургандар өздөрүн баатыр көрсөтүүгө аракет жасашты"

ЖЭБ соту: Сапар Исаков: "Кытай ЖЭБге деген насыяны аткаминерлердин колуна карматмак беле, акча өлкөнүн ичине кирген дагы эмес"

ЖЭБ соту: Жантөрө Сатыбалдиев: "Негизги күбөнүн көрсөтмөсү айыптоочу тарапка кызыксыз болсо, биз үчүн маанилүү"

ЖЭБди модернизациялоо боюнча кийинки соттук отурум 11-ноябрга белгиленди

"Электр станциялары" ишканасынын башкы директору УКМК тарабынан кармалды

Адвокат: "Айбек Калиевге тагылып жаткан айып мыйзамсыз"

СИЗОдо отурган депутат Осмонбек Артыкбаевге операция жасалды (толукталды)

УКМК: "Айбек Калиев коррупцияга шектелип кармалды"

ЖЭБ иши боюнча биринчи өкүмдү шаардык сот күчүндө калтырды. Бир гана Айбек Калиевдин мөөнөтү бир жылга кыскарды

РУБРИКАДАГЫ СОҢКУ КАБАРЛАР

19:22 2025-02-15 | Коом жана турмуш

Блогер Аида Багышбекова акыркы окуялар боюнча үн катты 1310 0

17:45 2025-02-15 | Түркүн дүйнө

Зеленский АКШ менен Мюнхенде жетишилбеген келишим боюнча үн катты 1704 0

17:31 2025-02-15 | Коом жана турмуш

Ошто Ооган согушунда каза болгондор эскерилди 374 0

17:15 2025-02-15 | Коом жана турмуш

Акыркы окуялардын таасири. Бишкектин окуучулары коомчулукка кайрылды (видео) 2640 0

16:21 2025-02-15 | Коом жана турмуш

Бишкек – Нарын – Торугарт унаа жолунун боюнча жаңы көчөттөр отургузулду 402 0

15:59 2025-02-15 | Түркүн дүйнө

Тайванда аскердик учак жерге кулады 1103 0

Архив

Комментарийлер (3)

kairhai

2018-11-15 16:53:45

Кененирээк маалымат берсеңер!

tular

2018-11-15 17:20:06

kairhai, Жазылып туратго куноосу жок экен деп. ТЭЦтин тонгонуна кыш куноолуу, катуу суук болуп. Ким билиптир ушунча суук болуп калаарына???

Rifle_I

2018-11-15 18:29:59

Бул жерде АШАны биринчи кармаш керек эле. Артынан Кытайга мейман болгон жепжутарларды кармаш керек. Артынан анан буларды кармаш керек. Сапар Исаков да көптү билет, ошону жакшылап кысыш керек.

Комментарий калтыруу үчүн өз ысымыңыз менен кириңиз же каттоодон өтүңүз.