Футбол боюнча Азия Кубогу: Кыргыз курамасынын атаандашы Кытайдын курамы белгилүү болду

Футбол боюнча Азия Кубогуна Кыргыз улуттук курамасынын атаандашы Кытай мелдеште катыша турган футболчулардын тизмесин жарыялады. Бул тууралуу АФКнын маалымат кызматы билдирет.

Кытай курамасында бир дагы чет мамлекетте ойногон оюнчулар жок. Башкы машыктыруучу Марчелло Липпинин шакирттеринин баары Кытайдын Суперлигасында ойношот.

Белгилүү болгондой, Азия Кубогу 2019-жылдын 5-январынан 1-февралына чейин Бириккен Араб Эмираттарында өтөт. Кытай курама командасы "С" тайпасына кирип, Кыргыз өлкөсү, Түштүк Корея жана Филиппин курамалары менен беттешет. Кытай менен Кыргыз курамасынын беттеши 7-январда Бишкек убактысы боюнча саат 15:00дө орун алат.

Буга чейин Азия Кубогуна катыша турган Кыргыз курамасынын жана Түштүк Корея курамасынын тизмеси белгилүү болгон.

Кытай курамасынын тизмеси:

Дарбазачылар:
- Ванг Далей ("Шандонг Луненг"), Ян Жунлинг ("Шанхай СИПГ"), Гуо Куанбо ("Бейжинг Гоан").
Коргоочулар:
- Фенг Ксиаотинг, Жанг Линпенг, Женг Жи ("Гуанчжоу Эвергранд"), Занг Ченгдонг ("Хебей Чайна"), Ю Янг ("Бейжинг Гоан"), Лиу Йиминг ("Тианжин Куанжиан"), Ши Ке ("Шанхай СИПГ"), Лиу Янг ("Шандонг Луненг").
Жарым коргоочулар:
- Жао Ксюри ("Тианжин Куанжиан"), Хао Жунмин ("Шандонг Луненг"), Ю Ханчао ("Гуанчжоу Эвергранд"), Ву Ши ("Жиангсу Сунинг"), Чи Жонггуо, Пиао Ченг ("Бейжинг Гоан"), Жин Жингдао ("Шандонг Луненг").
Чабуулчулар:
- Гао Лин ("Гуанчжоу Эвергранд"), Ву Лей (Шанхай СИПГ), Ю Дабао, Вей Шихо ("Бейжинг Гоан"), Ксиао Жи ("Гуанчжоу РФ").