Дүйнөдө ак ниет адамдар көп. Москвада такси айдаган Кыргыз жигити жүргүнчү унутуп кеткен 1 миллион рубль акчаны кайтарып берди

Нурсултан Кайназаров

Нурсултан Кайназаровдун келинчеги жана кыздары.

Адамда ач көздүк сапат жок болсо ар бир жасаган ишинен ак ниеттүүлүктү көрүүгө болот. Бул сөздөр 27 жаштагы кыргыз жигитинин жөнөкөй адамдык мамилесиндеги эрдигин сүрөттөй алат.

Нурсултан Кайназаров Жалал-Абад облусунун Сузак районуна караштуу Таран-Базар айылында туулган. Учурда Москва шаарында жүргүнчү ташып такси кызматында иштейт. Ал унаасында жүргүнчү унутуп кеткен 1 миллион рубль акчаны ээсине кайтарып берди.

Акча каражатынын ээси, дагестандык аял Нурсултан Кайназаровдун апасына кайрылуу жөнөтүп, төмөнкүлөрдү айткан.

"Эже, ушундай уулду багып чоңойтконуңузга, туура тарбия бергениңизге рахмат. Биз унаасына 1 миллион рубль акчаны, паспортту унутуп кеткен экенбиз. Уулуңуз баарын толугу менен кайтарып берди. Эми кайра бизди аэропортко алып бара жатат. Биз Махачкаладан болобуз. Келип конок болуп кетиңиздер", - деген.

- Нурсултан, окуя тууралуу кененирээк айтып берсеңиз.

- 20-февралга караган түнү "Домодедово" аэропортунда турсам дагестандык жигит келип отурду. Бара турган даректи айтып, ошол жерге жеткирүүмдү суранды. Жеткирдим. Ал унаама 1 миллион рубль акчасын унутуп койгон экен. Акча отургучтун асты жагына түшүп калыптыр. Мен аны арадан 12 саат өткөндө көрүп калдым. Чоң суммадагы акча көрүнгөн. 1 миллион рубль экенин кийин билдим.

- Акчанын ээлери апаңызга видео кайрылуу жөнөтүшкөн экен.

- Ооба. Алар Дагестандан кредитке акча алып келе жатышкан экен. Кайра колго алышканда аябай ыраазы болуп кайрылуу жөнөтүштү. Апам Бишкек шаарында турат. Келинчегим ооруканада болчу. Апам угуп алып сыймыктанып калды.

- Такси кызматында иштегениңизге канча болду?

- Негизи Москвага 2012-жылдан бери келип-кетип иштеп жүрөм. Такси айдап иштегениме бир ай болгон. Үй-бүлөлүүмүн. Кыздарым бар.

-Маегиңизге рахмат!

Автор: Айпери Ганыжан кызы

01:00 22-02-2019

Жазылуу

РУБРИКАДАГЫ СОҢКУ КАБАРЛАР

23:31 2025-07-13 | Түркүн дүйнө

АКШнын Юстиция министрлиги мурда Трампка карши иштеген кызматкерлерин кетирди 148 0

22:03 2025-07-13 | Саясат

Каналдагы сууга агып кеткен 21 жаштагы жигиттин сөөгү табылды 789 0

19:43 2025-07-13 | Түркүн дүйнө

Израилдин июндагы Иранга болгон соккусунда өлкөнүн президенти жаракат алды 1396 0

19:07 2025-07-13 | Коом жана турмуш

Автобус айдаган аксакал менен жеңил унаанын айдоочусу жакалаша кетти (видео) 1686 0

18:20 2025-07-13 | Коом жана турмуш

Казакстанда жолдошуна экинчи аял алып берген аялдын видеосу тарады 2064 0

18:02 2025-07-13 | Саясат

Сузактагы үйү өрттөн жабыркаган эки үй-бүлө жаңы турак жайлуу болушту (сүрөттөр) 867 0

Архив

Комментарийлер (17)

jaskaaa

2019-02-22 01:05:40

Сыймыктанам ушундай жигиттер кыргыздан чыгып атканына. Кудайга шүгүр.

+27

Tansuluu09

2019-02-22 01:05:53

Азамат!

+18

TalaCSKA

2019-02-22 01:18:59

1 000 000 руб 1 000 руб эмес да кантип унутуп кетишет тушунуксуз тем более кредитке алган болсо.а так жигит красавчик !!!

-8

Take_men

2019-02-22 11:18:22

TalaCSKA, Зилалиев банктагы ячейкасында 900 миң долларын унутуп калган го. 1 млн руб эмне болуп калыптыр

Povetkin

2019-02-22 01:27:04

Азамат ушундай намыс кучтуу жигитер бар болсун!

+21

Nurzada_0111

2019-02-22 01:28:46

Азамат сендей чынчыл балдар коп болсун

+18

bessmertiy

2019-02-22 01:48:10

Напсинин кулу болбой ущундай жигиттер көп болсо го. Молодец иним. Кудайым берет ниетиң түз экен. Ата-энеңе алкыш.

+21

dastan_nookat

2019-02-22 02:11:21

Азамат экенсиз

+12

ALMAAAN

2019-02-22 05:26:27

Красавчик эркек

+10

uli1234

2019-02-22 10:08:02

1милионду алып койсо жон эле таап алатда таксисти

-7

Nur777

2019-02-22 10:09:43

Мусулман олколорунон келген адамдарды только жанкечти же адам олтургуч,акча корбогон бир байкуш деп билген айрым орустар аз да болсо ойлорун озгортушот деп ойлойм.
Азаматсын!Ата-энесине рахмат жакшы тарбия берген экен,жана динчил жигит экени корунуп турат,мен озум ото динчил эмесмин,бирок билем,Кудайга ишенген,корккон адам эч качан жамандыкка барбайт...

Nanei

2019-02-22 11:04:15

Бактылуу бол. Уй булон менен

Hacker99

2019-02-22 14:02:56

Азамат нукура Кыргыз! Ушундай тарбия берген ата-энене рахмат

esenbek81

2019-02-22 17:13:31

Аллах раазы болсун эки дүйнө бактылуу кылган болсун ата эне балдарың өмүрлүк жарын өмүрү узун болсун Аллах сага ошол акчаны эки эссе кылып тапкан акчаларын берекелүү болсун

Kylymbek_isakulov

2019-02-22 17:21:42

Кыргызым аман болгула

Kgda

2019-02-23 18:24:56

За вознагражления канча акча берди ошону айтсан боло бай болгур. Ото туура иш жасаптырсын Аллахым ишине рываз берсин оомин.

Комментарий калтыруу үчүн өз ысымыңыз менен кириңиз же каттоодон өтүңүз.