Талас шаарында топ балдардын мушташына байланыштуу 1994-1995-жылдары туулган 8 жаран кармалып, убактылуу кармоочу жайга киргизилди. Бул тууралуу Талас облустук ички иштер башкармалыгы билдирди.
Маалыматка караганда, окуя 20-ноябрга караган түнү саат 00:00 чамасында болгон. Анда бир нече адам алдын ала даярданып, 2000-жылы туулган А.Ш. аттуу жаранды темир жана жыгач таяктар менен сабап, денесине жаракат келтиришкен.
Аталган факты боюнча Кылмыш-жаза кодексинин 280-беренеси (Бейбаштык) менен кылмыш иши козголуп, учурда тергөө иштери жүргүзүлүп жатканы айтылды.