Кыргызстандын атынан "Аалам сулуусу-2026" (Miss Universe 2026) эл аралык сулуулар сынагына катышып жаткан Медина Эрмекова улуттук кийимдер көрсөтүлгөн бөлүгүндө "Бугу Эне" образында сахнага чыкты. Бул тууралуу ал бүгүн, 22-ноябрда өзүнүн социалдык тармактагы баракчасында билдирди.
"Бул образ энелик мээримди, боорукерликти жана үмүттү чагылдырат. Анын ар бир деталында кыргыз элинин тарыхы, маданияты жана жан дүйнөсү камтылган", - деп жазды Эрмекова.
Белгилей кетсек, "Аалам сулуусу-2026" сынагы 8-25-ноябрь күндөрү Пуэрто-Риконун Сан-Хуан шаарында өтүүдө.