Курсан Асанов: "ИИМдин ички аскерлери 1 жыл кызмат өтөйт"

Бүгүн, 11-апрелде Жогорку Кеңештин жалпы жыйынында “Кыргыз Республикасынын Ички иштер министрлигинин ички аскерлери жөнүндө” мыйзам долбоору экинчи окууда каралууда.

Ички иштер министринин орун басары Курсан Асанов: "Долбоорго ылайык, ИИМдин ички аскерлери эки макамга ээ болууда. Алар уставдын негизинде 1 жылдык кызмат өтөйт. Ал эми негизги милдетин аткарууда ИИМдин статусуна да ээ болушат", - деп билдирди.

Депутат Айбек Алтынбеков "Ички аскерлери канча убакыт кызмат өтөшөт?" деген суроо узатты. Буга Курсан Асанов "Куралдуу күчтөрдүн аскерлериндей эле 1 жыл кызмат өтөйт" деп жооп берди.

Автор: Мальвина Уметбекова
Фото: Мальвина Уметбекова