Кечээ, 21-ноябрда, Бишкек шаарында Кыргызстандын жана Түркиянын парламент депутаттарынын ортосунда жолдоштук футболдук беттеш өттү. Бул тууралуу Жогорку Кеңештин басма сөз кызматы билдирди.
Маалыматка ылайык, иш-чарага парламенттин төрагасы Марлен Маматалиев баштаган депутаттар катышты. Ал Кыргызстан менен Түркияны тарыхый, маданий жана руханий байланыштар бириктирип турарын белгилеп, мындай спорттук иш-чаралар эки өлкөнүн ортосундагы достук мамилелерди бекемдөөгө өбөлгө түзөрүн айтты.
70 мүнөткө созулган беттеш 3:3 эсебинде тең чыгуу менен аяктады.