Бүгүн, 22-ноябрда, Сауд Арабия Падышалыгынын Мажлис Аш-Шурасынын төрагасы Абдулла бин Мухаммад Аль Аш-Шейх Кыргызстанга расмий сапар менен келди. Бул тууралуу Жогорку Кеңештин басма сөз кызматы билдирди.
Маалыматка караганда, аны "Манас" эл аралык аэропортунан төраганын орун басары Болот Ибрагимов жана депутат Талайбек Масабиров тосуп алышты.
"Расмий сапардын алкагында бир катар иш-чаралар, анын ичинен парламент төрагасы Марлен Маматалиев менен жолугушуу пландаштырылган", - деп белгиленди маалыматта.