Ички иштер министрлиги милиция кызматкерлеринин айлык акысы боюнча түшүндүрмө берди

Кечээ, 25-апрелде Жогорку Кеңеште депутат Урмат Самаев ички иштер министри Кашкар Жунушалиевге милиция кызматкерлери канча айлык алат жана ал акча үй-бүлөсүн багуу үчүн жетеби деген суроо узаткан. Бул суроого министр "жашап жатабыз го" деген жооп узаткан.

Мындан улам Ички иштер министрлигинин басма сөз кызматы билдирүү таратты.

"Айрым маалымат каражаттары министрдин жообун туура эмес түшүнүп алышкан. Депутаттын суроосуна министр Кашкар Жунушалиев “мүмкүн болушунча жашап жатабыз да, жетишинче” деп жооп берген. ИИМдин башчысы өз жообунда милициянын кенже сержанттык курамы чындыгында 8 миң сомдон 12 миң сомго чейин аларын белгилеп, бирок ал каражат жетиштүү экендигин айткан эмес. Аны видеодон текст жана эмоция түрүндө байкоого болот.

Ички иштер министри суроолорго жооп берип жатып, парламенттин депутаттарын экинчи окууда ИИМ тарабынан демилгеленген мыйзам долбоорун колдоп берүүнү суранган. 2018-жылдын 28-июнь күнү Жогорку Кеңеш “Укук коргоо органдарында кызматын өтөө жөнүндө” мыйзам долбоорду биринчи окууда кабыл алгандыгын эскертебиз. Мыйзам долбоорду экинчи окуунун алдында зарыл болгон сунуштар менен эскертүүлөрдү киргизүү үчүн кошумча кеңири талкууга коюу сунушталган. Мыйзам долбоорун кабыл алууда укук коргоо органдарынын кызматкерлеринин, биринчи кезекте катардагы жана кенже жетектөөчү курамдагы кызматкерлеринин 40 пайызга чейин, аны менен бирге ички иштер органдарында кызмат өтөгөндүгү үчүн 30 пайызга чейин айлык маяналарын көбөйтүүгө шарт түзүлөт. Укук коргоо органдарынын ардагерлеринин пенсиялары 40 пайызга чейин көбөйтүлөт", - деп айтылат маалыматта.

Автор: Мальвина Уметбекова
Фото: Мальвина Уметбекова

09:00 26-04-2019

Жазылуу

РУБРИКАДАГЫ СОҢКУ КАБАРЛАР

11:57 2025-07-15 | Кылмыштар, кырсыктар

Таласта дарыгер операциясы кылганы үчүн акча талап кылууга шектелип кармалды 59 0

11:45 2025-07-15 | Коом жана турмуш

ИИМ милиция кызматкерлеринин атынан жасалма видео тарап жатканын айтты 182 0

11:26 2025-07-15 | Коом жана турмуш

Кыргызстанда кайсы тармакта жумушчулар көп талап кылынууда? 349 1

11:11 2025-07-15 | Түркүн дүйнө

Бүгүнкү күнгө карата жылдыз төлгө 341 0

11:06 2025-07-15 | Түркүн дүйнө

Төшөксүз жашоо эмнеге алып барат? 982 0

11:03 2025-07-15 | Түркүн дүйнө

Токойдо өспүрүм кыздарга кол салган окуя: Жабыркагандардын абалы айтылды 506 0

Архив

Комментарийлер (2)

Shaa-82

2019-04-26 09:53:29

Качан тузулот ошо, анынар ишке ашканча канчасы пенсияга кетет. 12000 айдык семейный адамга жетпейт, дагы озунун уйундо жашасаго мейли, квартирант болсо квартпала озу эле 5минден ойдо 10-12 болуп атат. ЖЕп ичкени, жол киреси, балдарын окууга бергени, садиги дегеле койчу айта берсен расход коооооп. Бир эле милициянын эмес мугалимдики, дагы башка бюджеттин аз айлык алган ишчилеринде ушундай тартыштык кооп. Чет жактарга деле даяр диплому туруп, жыргаганынан кетпесе керек, башына тартса буту ачылып.

Umakg

2019-04-27 12:00:06

Туура 12-мин жетпейт садике жолкире жеп ичкени расход жетпейт чын 15000-18000 болсо жеткирсен болмок тааныштарым иштейт милиция да жеп ичкенине жетпейт конул бурган адам жок....

Комментарий калтыруу үчүн өз ысымыңыз менен кириңиз же каттоодон өтүңүз.