Азиз Батукаевди абактан бошотуу чечимин чыгарган сот Жапар Эрматов кызматтан четтетилди

Жапар Эрматов Нарын облусунун Райондор аралык сотунун судьясы кызмат ордунан убактылуу четтетилди. Тийиштүү жарлыкка президент Сооронбай Жээнбеков 8-июлда кол койду. Бул тууралуу президенттин басма сөз кызматынан билдиришти.

Белгилүү болгондой, Судьялар кеңешине караштуу Тартип комиссиясы Башкы прокурорго жазык жоопкерчилигине тартуу жөнүндө макулдук берген. Буга байланыштуу Жапар Эрматов жергиликтүү соттун судьясынын кызмат ордунан убактылуу четтетилди. Жарлык кол коюлган күндөн тартып күчүнө кирет.

2013-жылы кримтөбөл Азиз Батукаевди абактан бошотуу чечимин чыгарган Нарын шаардык сотунун мурдагы судьясы Жапар Эрматовдун үстүнөн сотко чейинки териштирүү башталганы маалымдалган. Тергөө иштеринин алкагында ал суракка чакырылып, кийин Эрматов 2 айга камакка алынган.

РУБРИКАДАГЫ СОҢКУ КАБАРЛАР
Архив
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА