Бишкектеги Свердлов райондук сотунда ЖЭБди жаңылоодогу коррупция боюнча соттук отурум уланууда. Анда иштин материалдарын изилдөө жана материалдар менен таанышуу процесси жүрүүдө.
Отурумда мурдагы өлкө башчы Алмазбек Атамбаевдин ЖЭБди жаңылоо боюнча саясий кайрылуусу окулду. Анда: "Бишкек ЖЭБи "Датка-Кемин" сыяктуу мамлекеттик деңгээлдеги долбоор болгон. Аны ишке ашырууда көпчүлүк чечимди мен кабыл алгам. Мамлекет башчылар ортосунда сүйлөшүү жүргөн. ЖЭБ боюнча чындык акыры ачыкка чыгат. ЖЭБ боюнча долбоорду ишке ашыргандар тарыхта оң жагынан эсте калат", - деген ал.