Алмазбек Атамбаевдин соттук отуруму 6-декабрга жылдырылды

Тектеш кабарлар: Азиз Батукаев боюнча соттук иш (83 материал)

Бүгүн, 29-ноябрда Бишкек шаарынын Биринчи май райондук сотунда мурдагы президент Алмазбек Атамбаевдин иши каралып, соттук отурум 6-декабрга жылдырылды. Бул тууралуу жактоочу Замир Жоошев билдирди.

Анын айтымында, Азиз Батукаевдин абактан мыйзамсыз бошотулушу боюнча соттук отурум саат 15:00гө белгиленген.

"Алмаз Шаршеновичтин айтымында, тергөө изоляторуна жаш конвойлор кирген. Эгер ал барбайм деп баш тарта турган болсо күч колдонулуп, ызы-чуу орун алмак. Мындан улам экс-президент кызматкерлерди ыңгайсыз абалга салбайын деп макул дептир. Бирок баса белгилеп айта кетейин, ал өзүнүн эрки менен келген жок.

Жакында эле интернетке Алмазбек Атамбаев менен Шамиль Атахановду беттештирүү протоколу чыгып кетти. Протоколдо акча алуу же берүү тууралуу айтылган эмес. Алмазбек Шаршеновичке Батукаев же Атаханов тарабынан берилген кандайдыр бир материалдык баалуулуктар да жок. Протоколдо Жаныш Бакиевди алып келүү максатында Азиз Батукаевди өткөрүп берүү боюнча келишим түзүлгөндүгү маалымдалат. Бул Атахановдун сөзү, бирок мындан коррупцияны көрүүгө болбойт. Купуя сырды камтыйт деп 27-томго киргизилген бул протоколдо эч кандай сыр жок. Эгер мамлекеттик деңгээлдеги сыр болсо анда кылмыш жок. Кылмыш жок болсо, бул ишти сотто кароого болбойт.

Сотто жактоочулар бул иш менен тааныш эмес экенибизди айтып өтүнүчтөрдү киргиздик. Сот өтүнүчтөрдү канааттандырып соттук отурумду 6-декабрга дайындады", - дейт Жоошев.

“Атамбаев сотко өз эркине каршы алып келинди". Жактоочу бул тууралуу эмне дейт?
РУБРИКАДАГЫ СОҢКУ КАБАРЛАР
Архив
Комментарийлер (7)
Kairat1996
2019-11-29 17:53:47
Сооронбайдын коз каранды сотторунан эч чындык кутпой эле койгула. Соке кетмейинче бизде чындык болбойт.
-1
altyn-kumush
2019-11-29 18:55:58
Kairat1996,АШАнын заманы менен чаташтырба!АТАМБАЕВ кылмышына жараша жооп берет!
+3
Absamat-90
2019-11-29 19:02:59
Kairat1996, азыр соттор президенттен коз каранды эмес, азыр соттор коз каранды эмес чечим чыгарышат
+1
chake
2019-11-29 19:11:18
Kairat1996,уурулар үмүтүңөрдүн үзө бергиле силерге ырайым болбойт
+1
altyn-kumush
2019-11-29 18:54:36
Айбанга окшобой, адамдай элге кызмат кылганда байкуш кейпин кийбейт эле
+3
chake
2019-11-29 19:12:55
сүрөттө Сүмбүлбек турабы
-1
Fara2525
2019-11-29 23:59:44
Раим миллион жонундо жанылыкта талкуу жабык Атамбаевде ачык кандай тушунсо болот
+2
БАШКЫ БЕТ
СОҢКУ КАБАР
СУПЕР-ИНФО
SUPER.KG ВИДЕО
МЕДИА-ПОРТАЛ
Кинозал
ЖЫЛНААМА
Суперстан