Кыргыз-Тажик чек арасында абал тынч

Кыргыз-Тажик чек арасында жашаган элдердин коопсуздугун милиция толугу менен көзөмөлгө алууда. Бул тууралуу Баткен ОИИБинин басма сөз кызматынан билдиришти.

"Кыргыз-Тажик чек арасына биргелешкен күзөт күчөтүлүп, күнү-түнү милиция кызматкерлери элдин коопсуздугун сактоодо. Азыркы учурга кырдаал тынч, ыкчам кырдаал толугу менен көзөмөлдө турат", - деп билдирет басма сөз кызматы.

Окуянын чоо-жайы:

9-январдан 10-январга караган түнү саат 00:40та Баткен районунун Жака-Өрүк жергесинде, белгисиз адамдар Баткен шаарына бара жаткан Кыргыз жаранына таандык унааны таш менен урушкан. Унаанын ичиндеги Кыргыз жарандарынын арасынан жаракат алгандар бар экендиги маалымдалган.

Болжол менен бир сааттан кийин, тагыраагы, саат 01:40 чамасында Баткенден Көк-Ташка кетип бара жаткан дагы бир Кыргыз жаранынын унаасын тажиктер Көчө-Карын жергесинде таш менен урушкан.

Саат 02:40та Дахма жергесинде Тажикстандын жарандары Кыргыз жаранынын үйүнө таштарды ыргыткан. Жабырлануучунун үйүнө укук коргоо органдарынын өкүлдөрү менен бирге бараткан чек арачылар Тажикстан тараптан майда калибрлүү мергенчилик куралдан чыккан окко учурашкан. Ок атуулар тажик тараптан гана чыгып жатканын Мамлекеттик чек ара кызматынан билдирген.

Автор: Айсалкын Качкынбекова

09:23 11-01-2020

Жазылуу

Тектеш кабарлар:

Лейлектин тургундары Баткен районуна тоону ашып өтүүдө. Жол кооптуу

Депутат: "Кыргыз-Тажик чек арасындагы кырдаалдан кийин жергиликтүү калк мамлекет коопсуздукту сактай албаса, өздөрү жерди сактап калууга күчтөрү жете турганын айтты"

Тажикстан да Кыргыз элчилигине нааразычылык нотасын тапшырды

"Аким чечеби?" Чек арадагы абалга нааразы болуп, Ак Үйдүн алдына келгендерди милиция Биринчи Май райондук акимиатына алып келди

Адахан Мадумаровдун маалымат жыйынында журналисттер менен алардын тарапташтарынын ортосунда чыр чыкты (видео)

Кыргыз-Тажик чек арасында чыр чыкты

"Билдирүүсү негизсиз". Өкмөт Ташиевге жооп берди

"Күйүп жатат". Өмүрбек Суваналиев "Төрт-Күл” чек ара тозотундагы абалды айтты

Кыргыз-Тажик чек арасындагы чыр-чатактан 3 кыргыз аскери жаракат алышты

Кыргыз-Тажик чек ара жаңжалында жаракат алып, Бишкекте дарыланып жаткан лейлектик тургундарга жардамдар берилүүдө

РУБРИКАДАГЫ СОҢКУ КАБАРЛАР

23:51 2025-04-30 | Спорт

Кыргыз күрөшү боюнча өлкө биринчилиги өтөт 172 0

23:26 2025-04-30 | Маданият, шоу-бизнес

Ырчы Курал Чокоев менен келинчеги гендер-пати өткөрдү (видео) 831 0

22:51 2025-04-30 | Саясаттагы соттук иштер

Султанбай Айжигитов жана анын жубайы үй камагына алынды 922 0

22:39 2025-04-30 | Коом жана турмуш

Министрлик "Диамеддин" үч гемодиализ борборунун лицензиясын токтотту 356 0

21:53 2025-04-30 | Кылмыштар, кырсыктар

Ошто мыйзамсыз тамеки сатуу фактысы аныкталды 481 0

20:54 2025-04-30 | Коом жана турмуш

“Асман эйрлайнстын” директору Айдаралиев: "Үчүнчү учакты алып келүү боюнча иштер жүрүүдө" (видео) 788 0

Архив

Комментарийлер (5)

Jaznura

2020-01-11 09:49:04

Жогорку Кеңеш такталган чек араларды мыйзамдаштырып берет. Бул жерде милдет түздөн-түз өкмөттө. Алар тынымсыз иш аракеттерди жүргүзүшү керек. Чек ара боюнча комиссиянын курамында ар кандай мамлекеттик кызматтын өкүлдөрү бар. Тилекке каршы, алар алмашып иштен кетип калат, мындайча айтканда туруксуз. Биринчи кезекте комиссияга макам берүү зарыл. Комиссиянын ыйгарым укугун кеңейтүү шарт.

Alimbek1000

2020-01-11 09:55:38

Тынч эле болгулачы. Кыш суук карапайым элге эле кыйын байкуштарым. Баарыбызга сабырдуулук тилейм.

altyn-kumush

2020-01-11 10:40:18

Тынч жол менен суйлошуулорду жургузууго болот. Улам элди которуп чыгып жаткандар башкалар болуп журбосун. Болбосо эки элге тен тынчтык керек

-3

Dembele84

2020-01-11 11:08:07

Да,баары тынч,все отлично,все хорошо

Omush94

2020-01-11 20:12:06

Дагы бир аз турса тынчып калат келе берсенер болот. Бирок дагы чыгат жаңжал кайра барасыңар

Комментарий калтыруу үчүн өз ысымыңыз менен кириңиз же каттоодон өтүңүз.