Министрлик: "Коронавирустун 39 түрү бар. Анын ичинен алтоо адам үчүн кооптуу"

Тектеш кабарлар: Дүйнөгө тараган коронавирус боюнча башка маалыматтар (8926 материал)

Бүгүн, 24-январда Саламаттыкты сактоо министрлигинде коронавирус оорусу тууралуу маалымат жыйын болуп өттү.

Жыйында Кытайда тарап жаткан коронавирус оорусу Кыргыз өлкөсүндө катталбаганын Саламаттыкты сактоо министрлигинин оорулардын алдын алуу жана мамлекеттик санитардык-эпидемиологиялык көзөмөлдөө департаментинин эпидемиологиялык башкармалыгынын башчысы Абдыкадыр Жороев билдирди.

"Негизи коронавирустун 39 түрү бар. Алар мышык, ит сыяктуу жаныбарлардын арасында тараган. Бул вирустун 6 түрү адам үчүн кооптуу болуп саналат. Окумуштуулар коронавирус оорусу адамдан адамга жугат дегени менен Бүткүл дүйнөлүк саламаттыкты сактоо уюму бул маалыматты тастыктай элек" , - деди Жороев.

Мындан тышкары, Жороев өлкө ичинде сасык тумоого каршы 150 миң вакцина бар экенин белгилеп өттү.

"Мындан беш жыл мурда 20-24 миң гана вакцина алчу элек. Бүгүнкү күндө Саламаттыкты сактоо министрлиги сасык тумоо маселесин орчундуу деп, жыл сайын көлөмүн көбөйтүп келет. Анын негизинде тендер аркылуу 150 миңден ашык вакцина сатып алдык. Чындыгын айтыш керек, бул вакцина баарына жетпейт. Болгону тобокелдикке кирген кишилердин 23 пайызын гана камтыйт. Бизде 650-700 миңге жакын адам тобокелчилик тобуна кирет", - деди ал.

Жыйынга министрликтин коомдук саламаттыкты сактоо башкармалыгынын башчысы Айнура Акматова, Республикалык жугушту оорулар клиникалык ооруканасынын башкы дарыгери Гүлжигит Аалиев жана Санитардык-эпидемиологиялык борборунун жетекчиси Зинат Бейшебаева катышты.

Автор: Бактыгүл Султаналиева

13:36 24-01-2020

Жазылуу

РУБРИКАДАГЫ СОҢКУ КАБАРЛАР

23:45 2024-05-17 | Коом жана турмуш

Бишкекте чет элдиктердин катышуусундагы мушташ: Өч алуу үчүн 100дөй адам чогулду (видео) 2772 0

22:47 2024-05-17 | Саясат

"РСК Банктын" аты "Элдик Банк" болуп өзгөрөт". Садыр Жапаров жакшы жаңылык менен бөлүштү 915 0

22:16 2024-05-17 | Түркүн дүйнө

Англияга велосипед менен 1 жылда жеткен монголиялык күйөрман стадиондо ыйлады (видео) 911 0

21:41 2024-05-17 | Спорт

"Жеңүү оңой эле". Ислам Махачев Конор Макгрегор менен беттешүүгө даяр экенин айтты 977 0

21:02 2024-05-17 | Түркүн дүйнө

Бишкекке келип кеткен Малайзиянын премьер-министри казак президентине торт белек кылды 990 0

20:18 2024-05-17 | Кылмыштар, кырсыктар

Бишкекте милиция кызматкерлери 100 миң сом пара алып жаткан жеринен кармалышты (фото) 1036 0

Архив

Комментарийлер (3)

Shef87

2020-01-24 13:49:11

Отура бергиле тастыктала элек деп оозунарды ачып

Apyn8793

2020-01-24 15:16:42

Чек араны жапкыла эй акылсыздар!!! Эгер бизден чыкканда мындай вирус бут коншу мамлекеттер чек араларын жаап алмак, аэропортторунан текшеруу жургузмок эмес. Шарт эле жаап алмак чек араларын. Ошентип олко карантинде калмак.
Силер да жапкыла чек араны.

Aikaaaa

2020-01-24 20:10:01

Бул жаңы пайда болгон белгисиз оору дешип атышпады беле, анан эми түрү менен белгилүү болуп калдыбы. Бүткүл дүйнөлүктү эмне кылышат, анда кишиден кишиге жукпаса Кытайда, Японияда, Кореяда эмне болуп атат. Ушу биздин чиновник министрлерибиз аман эле болушсун да, эмне деп айтаарыңды деле билбейсиң, кыскасы сөз жок. Же элди ушунчалык келесоо ойлошобу, ушинтип койсок жүрө беришет деп

Комментарий калтыруу үчүн өз ысымыңыз менен кириңиз же каттоодон өтүңүз.