Канатбек Азиз: "Азаттык" соттук кароону башка мекемеге өткөрүү өтүнүчү менен Бишкек шаардык сотуна кайрылды. Бул ишти созуу"

Эртең, 11-февралда Бишкек шаарындагы Свердлов райондук сотунда Матраимовдордун "Азаттык", "Клооп" жана "24.kg" басылмаларынын үстүнөн жазган арызы боюнча сот отуруму уланмак. Бирок бул отурум эртең болбой турганын SUPER.KG порталы жактоочу Канатбек Азизге байлканышканда кабарлады.

Анын айтымында, "Азаттыктын" өкүлү бул ишти кароону Свердлов райондук сотунан башка райондук сотко өткөрүү өтүнүчү менен Бишкек шаардык сотуна кайрылган. Буга чейин сот отурум 29-январда Свердлов райондук сотунда өтүп, "Азаттык" менен "Клооп" маалымат каражаттарынын соттогу өкүлдөрү бул ишти карап жаткан судьяга ишенбей тургандыктарын айтып, аны Ленин райондук сотуна өткөрүү өтүнүчүн айтышкан. Бирок судья соттук кароону башка районго өткөрүүгө негиз жок экенин түшүндүрүп өтүнүчтү четке каккан болчу.

"Булар ишти созуп жатышат", - деп нааразы болду жактоочу. Ал сот отуруму эми качан уланары азырынча белгисиз экенин белгиледи.

Буга чейин "24.kg" басылмасы жазган материалынын темасына далил жок экенин билдирген.

Окуянын чоо-жайы:

Матраимовдор "Азаттык", "Клооп", "24.kg" сайттарына карата арыз жазып, 60 миллион сом доону талап кылган. Жогорудагы сайттарга карата доо арыз менен сотко кайрылууга чейин Жогорку Кеңештин депутаты Искендер Матраимов Жалпыга маалымдоо каражаттарына түшкөн даттанууларды териштирүү боюнча комиссияга кайрылган. Анда депутат "Азаттыкка" карата жазган арызы боюнча чечим чыгарууну сураган, бирок комиссия кайрылууну кароодон баш тартуу бүтүмүн кабыл алышкан.

Өткөн жылдын 6-декабрында УКМКда сурак берип чыккан Райымбек Матраимов "Азаттыктын" иликтөөсүндө аты аталган Айэркен Саймаитини тааныбай турганын, 700 миллион долларга эмес, 7 тыйынына дагы тиешеси жоктугун айткан. Кийин жергиликтүү басылмалардын бирине берген маегинде Райымбек Матраимов "Мен түшүнбөйм. Эми журналисттер эмнеден коркот? “Сотко далилдей албай калабыз” деп коркобу? Чыгарган маалыматтарынын чындыгына (жетиштүү фактылар менен далилдешсе...) көздөрү жетсе, анда сот алдында эми далилдеп беришсин" деген.

Автор: Кызжибек Раимова

18:13 10-02-2020

Жазылуу

Тектеш кабарлар:

Депутат Касымалиева Саймаитинин өлүмү боюнча Түркиянын полициясы менен кызматташуу кандай абалда болуп жатканын сурады

ИИМ: "Киши колдуу болуп каза болгон Айэркен Саймаити Кыргыз паспортун колдонуп жүргөн"

Депутат: "Кыргыз мамлекетине Кытайдан кирген импорттун көлөмү боюнча эки өлкөнүн статистикасында айырма болуп жатканы тууралуу элге маалымат бериш керек эле"

Канатбек Азиз: "Депутаттык комиссияда Саймаити боюнча Матраимовдор шектүү деген маселе көтөрүлүшү мүмкүн. Райымбек Матраимовдун кызыкчылыгын коргоо үчүн келдик"

УКМКнын өкүлү: "Саймаитини өлтүрүү боюнча буйрукту Сириянын жараны берген"

УКМКнын өкүлү: "Саймаити аны өлтүрүүгө аракеттер болгону тууралуу органдарга арыз менен кайрылган эмес"

Айэркен Саймаити боюнча түзүлгөн депутаттык комиссиянын жыйыны өтүүдө

"Ооба, мен аны жакшы эле таанычумун". Депутат Дүйшөн Төрөкулов Түркияда киши колдуу каза болгон Айэркен Саймаити менен түшкөн сүрөтү боюнча жооп берди

Депутат Алтынбек Сулайманов Саймаити боюнча депутаттык комиссия түзүүнү сунуштады

УКМК "Азаттык үналгысынын" президентине расмий кат жөнөттү. Анда журналисттердин суракка келүүсүнө көмөктөшүү өтүнүчү айтылган

РУБРИКАДАГЫ СОҢКУ КАБАРЛАР

10:19 2024-12-07 | Коом жана турмуш

"Долбоордон чыктык". Ташиевдин уулу Өзгөндөгү айланма жолуна мындан ары катыштыгы жок экендигин билдирди (видео) 127 0

09:39 2024-12-07 | Спорт

Малайзияда өткөн сурдо оюндарынан кыргыз балбандары байгелүү кайтышты 124 0

09:25 2024-12-07 | Коом жана турмуш

Өлкөдө окуучулардын кышкы каникулу белгилүү болду 380 0

09:07 2024-12-07 | Коом жана турмуш

Рубль менен доллардын сомго карата наркы 548 0

22:53 2024-12-06 | Саясаттагы соттук иштер

Алтынбек Абдувапов жана анын орун басары 20-декабрга чейин камалды 1152 0

22:14 2024-12-06 | Түркүн дүйнө

Грузияда мурунку чиновниктин үйүнөн курал-жарактар катылган бөлмө табылды (видео) 1566 0

Архив

Комментарийлер (4)

chake

2020-02-10 18:38:02

Жанагы бакылдаган Али деген сотко келип айткан сөздөрүн далилдебейби ар кайсы мамлекетке качып кетпей саткын

Alimbek1000

2020-02-10 18:38:19

Созуп жүрө бергиле.

chake

2020-02-10 18:38:33

АШАнын заказын аткарылбай ит болду Азаттык

Absamat-90

2020-02-10 18:52:54

Азаттык эгер чындап далили болсо Матраимовдор өздөрү сотко кайрылганда далилдеп туруп эрдик кылса болмок. Ушул жерден журналисттер заказ аткарганы билинип калды окшойт.

Комментарий калтыруу үчүн өз ысымыңыз менен кириңиз же каттоодон өтүңүз.